ശ്രീലങ്കയിൽ ​ റെയ്​ഡിനിടെ ഏറ്റുമുട്ടൽ: ആറ്​ കുട്ടികളുൾപ്പടെ 15 പേർ കൊല്ലപ്പെട്ടു

കൊ​ളം​ബോ: ശ്രീ​ല​ങ്ക​യി​ൽ ഈ​സ്​​റ്റ​ർ ദി​ന​ത്തി​ലെ സ്ഫോ​ട​ന പ​ര​മ്പ​ര​യി​ല്‍ പ​ങ്കു​ണ്ടെ​ന്ന് സം​ശ​യി​ ക്കു​ന്ന​വ​രെ തേ​ടി ശ്രീ​ല​ങ്ക​ന്‍ സു​ര​ക്ഷാ​സേ​ന ന​ട​ത്തി​യ തി​ര​ച്ചി​ലി​നി​ടെ ഏ​റ്റു​മു​ട്ട​ല്‍. വെ​ടി​ വെ​പ്പി​ലും ചാ​വേ​ർ സ്​​ഫോ​ട​ന​ത്തി​ലു​മാ​യി ആ​റു കു​ട്ടി​ക​ളും മൂ​ന്നു​ വ​നി​ത​ക​ളും ഉ​ള്‍പ്പെ​ടെ 16 പേ​ര ്‍ കൊ​ല്ല​പ്പെ​ട്ടു. കി​ഴ​ക്ക​ൻ പ്ര​വി​ശ്യ​യി​ൽ അ​മ്പാ​ര ജി​ല്ല​യി​ലെ ക​ൽ​മു​നൈ ന​ഗ​ര​ത്തി​ലെ ‘സെ​യ്ന്ത​മ​രു​ത്’ എ​ന്ന സ്ഥ​ല​ത്താ​ണ് ഏ​റ്റു​മു​ട്ട​ലു​ണ്ടാ​യ​ത്. സ്‌​ഫോ​ട​ക​വ​സ്തു ശേ​ഖ​ര​മു​ണ്ടെ​ന്ന വി​വ​ര​ത്തി​​െൻറ അ​ടി​സ്ഥാ​ന​ത്തി​ലാ​യി​രു​ന്നു തി​ര​ച്ചി​ൽ.

ഈ​സ്​​റ്റ​ർ ദി​ന​ത്തി​ൽ 253 പേ​ർ കൊ​ല്ല​പ്പെ​ടു​ക​യും 500ലേ​റെ പേ​ർ​ക്ക്​ പ​രി​ക്കേ​ൽ​ക്കു​ക​യും ചെ​യ്​​ത സ്​​ഫോ​ട​ന പ​ര​മ്പ​ര​ക്കു​പി​ന്നി​ൽ ​ നാ​ഷ​ന​ൽ തൗ​ഹീ​ദ്​ ജ​മാ​അ​ത്ത്​ (എ​ൻ.​ടി.​ജെ) അം​ഗ​ങ്ങ​ളാ​ണെ​ന്നാ​ണ്​ സ​ർ​ക്കാ​റി​​െൻറ ക​ണ്ടെ​ത്ത​ൽ. ഭീ​ക​ര​രു​ടെ കേ​ന്ദ്ര​ങ്ങ​ളി​ൽ പൊ​ലീ​സി​​െൻറ പ്ര​ത്യേ​ക ദൗ​ത്യ​സം​ഘ​വും സൈ​ന്യ​വും സം​യു​ക്ത​മാ​യാ​ണ് തി​ര​ച്ചി​ൽ ന​ട​ത്തു​ന്ന​ത്.

വെ​ള്ളി​യാ​ഴ്​​ച രാ​ത്രി പ​രി​ശോ​ധ​ന തു​ട​രു​ന്ന​തി​നി​ടെ സാ​യു​ധ സം​ഘം സു​ര​ക്ഷാ​സേ​ന​ക്കു​നേ​രെ നി​റ​യൊ​ഴി​ക്കു​ക​യാ​യി​രു​ന്നു. ഇ​തി​നു​പി​ന്നാ​ലെ​യാ​ണ്​ നാ​ലു​​ചാ​വേ​റു​ക​ൾ സ്വ​യം പൊ​ട്ടി​ത്തെ​റി​ച്ച​ത്. കു​ട്ടി​ക​ൾ, വ​നി​ത​ക​ൾ ഉ​ൾ​പ്പെ​ടെ 16 പേ​രു​ടെ മൃ​ത​ദേ​ഹ​ങ്ങ​ൾ ക​ണ്ടെ​ത്തി​യ​താ​യി പൊ​ലീ​സ്​ പ​റ​ഞ്ഞു. പ​രി​ക്കേ​റ്റ മൂ​ന്നു​േ​പ​രെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ഇ​വി​ടെ നി​ന്ന്​ മു​ന്നു​പേ​രെ അ​റ​സ്​​റ്റ്​ ചെ​യ്തു.

മു​സ്​​ലിം ഭൂ​രി​പ​ക്ഷ പ്ര​ദേ​ശ​മാ​യ ക​ൽ​മു​നൈ, ച​വ​ല​ക്കാ​ട്, സ​മ്മ​ന്തു​രൈ എന്നിവിടങ്ങ​ളി​ൽ ക​ർ​ഫ്യൂ തു​ട​രു​ക​യാ​ണെ​ന്ന്​ പൊ​ലീ​സ്​ വ​ക്​​താ​വ്​ റു​വാ​ൻ ഗു​ണ​ഖേ​ര പ​റ​ഞ്ഞു. മ​റ്റു സ്​​ഥ​ല​ങ്ങ​ളി​ൽ ക​ർ​ഫ്യൂ നീ​ക്കി​യി​ട്ടു​ണ്ട്.