സിന്ധു നദീജല കരാർ റദ്ദാക്കിയാൽ അന്താരാഷ്​ട്ര കോടതിയെ സമീപിക്കുമെന്ന്​ പാകിസ്​താൻ

ന്യൂഡൽഹി: സിന്ധു നദീജല കരാർ  ഇന്ത്യ ലംഘിച്ചാൽ അന്താരാഷ്ട്ര കോടതി​യെ സ മീപിക്കുമെന്ന്​ പാകിസ്​താൻ.  അന്താരാഷ്​ട്ര നിയമമനുസരിച്ച്​ കരാറിൽ നിന്ന്​ ഇന്ത്യക്ക്​ ഏകപക്ഷിയമായി പിന്മാറാനാവില്ലെന്നും പാകിസ്​താൻ പ്രധാനമന്ത്രിയുടെ വിദേശകാര്യ ഉപദേശഷ്​ടാവ്​ സർതാജ്​ അസീസ്​ പറഞ്ഞു. 56 വർഷം മുമ്പുണ്ടാക്കിയ കരാർ കാർഗിൽ യുദ്ധകാലത്തോ സിയാച്ചിൻ സംഘർഷ സമ​യത്തോ തടസപ്പെട്ടിട്ടില്ലെന്നും സർതാജ്​ അസീസ്​ കൂട്ടിച്ചേർത്തു.

ഉറിയിലെ സൈനിക കേന്ദ്രത്തിനുനേരെ നടന്ന ഭീകരാക്രമണത്തി​​െൻറ പശ്ചാത്തലത്തില്‍ പാകിസ്താന് തിരിച്ചടി നല്‍കുന്നതി​​െൻറ ഭാഗമായാണ് സിന്ധു നദീജല കരാർ പുന:പരിശോധിക്കാൻ  ഇന്ത്യ നടപടി തുടങ്ങിയത്​. എന്നാൽ യു.എൻ പോലുള്ള അന്താരാഷ്​ട്ര വേദികളിൽ തിരിച്ചടിയാവുമെന്ന നിർദേശത്തെ തുടർന്ന്​ ഇന്ത്യ കരാർ റദ്ദാക്കുന്നതിൽ നിന്ന്​ പിന്മാറുകയായിരുന്നു. അതേസമയം പാകിസ്​താനിലേക്ക്​ ഒഴുകുന്ന മൂന്ന്​ നദികളിലെ ജലം കൂടുതലായി ഉപയോഗിക്കാനും ഇന്ത്യ തീരുമാനിച്ചിരുന്നു. സിന്ധു, ചിനാബ്, ഝലം എന്നീ നദികളിലെ ജലത്തി​​െൻറ ഉപയോഗമാണ് വര്‍ധിപ്പിക്കുന്നത്.

1960 സെപ്തംബര്‍ 19ന് അന്നത്തെ പ്രധാനമന്ത്രി നെഹ്​റുവും പാകിസ്താന്‍ പ്രസിഡൻറ്​ അയൂബ്ഖാനും ഒപ്പുവെച്ച ഉടമ്പടി പ്രകാരം കിഴക്കോട്ടൊഴുകുന്ന ബിയാസ്, രവി, സത്‌ലജ് എന്നീ നദികളുടെ നിയന്ത്രണം ഇന്ത്യക്കും പടിഞ്ഞാറോട്ടൊഴുകുന്ന സിന്ധു, ചിനാബ്, ഝലം എന്നീ നദികളുടെ നിയന്ത്രണം പാകിസ്താനുമാണ്.