Begin typing your search above and press return to search.
exit_to_app
exit_to_app
Homechevron_rightNewschevron_rightWorldchevron_rightഉറി ആക്രമണം കശ്​മീർ...

ഉറി ആക്രമണം കശ്​മീർ സംഘർഷത്തി​െൻറ പ്രതികരണം– നവാസ്​ ​ശരീഫ്​

text_fields
bookmark_border
ഉറി ആക്രമണം കശ്​മീർ സംഘർഷത്തി​െൻറ പ്രതികരണം– നവാസ്​ ​ശരീഫ്​
cancel

ഇസ്​ലമാബാദ്​: കശ്​മീരിലെ സംഘർഷ സാഹചര്യങ്ങൾക്കെതിരായ  ജനങ്ങളുടെ പ്രതികരണമാണ്​ ഉറി ഭീകരാക്രമണമെന്ന്​ പാകിസ്​താൻ പ്രധാനമന്ത്രി നവാസ്​ ശരീഫ്​. ആക്രമണത്തി​​​െൻറ പിന്നിൽ പാകിസ്​താനാണെന്ന ഇന്ത്യയു​ടെ ആരോപണം അടിസ്ഥാനരഹിതമാണെന്നും അദ്ദേഹം പറഞ്ഞു.
 
‘‘കശ്​മീരിൽ നടന്ന നരഹത്യയുടെ ​പ്രതികരണമാണ്​ ഉറിയിലെ സൈനികാസ്ഥനത്തു നടന്ന ആക്രമണം. സംഘർഷത്തിനിടെ കശ്​മീരിൽ കൊല്ലപ്പെട്ടതോ, പരിക്കേറ്റതോ ആയവരുടെ കുടുംബാഗങ്ങളുടെ പ്രതികരണമാണ്​ സൈന്യത്തിനു നേരെ നടന്ന ആ​ക്രമണം’’– ​െഎക്യ രാഷ്​ട്ര സഭ ​പ്രതിനിധ സമ്മേളനം കഴിഞ്ഞ്​ ന്യൂയോർക്കിൽ നന്ന്​ മടങ്ങുന്നതിനിടെ മാധ്യമപ്രവർത്തകരോടാണ്​ ശരീഫ്​ ഇക്കാര്യം പറഞ്ഞത്​.

ആക്രമണത്തി​ൽ യാതൊരു അന്വേഷണവും നടത്താതെയാണ്​ ഇന്ത്യ പാകിസ്​താനു നേരെ ആരോപണമുന്നയിച്ചത്​. തെളിവുകളില്ലാതെ പാകിസ്​താനു നേരെ  നിരുത്തരവാദപരമായി കുറ്റം ചുമത്തുന്ന നടപടിയാണ്​ ഇന്ത്യയുടെ ഭാഗത്തുനിന്നുണ്ടായതെന്നും നവാസ്​ ശരീഫ്​ കുറ്റപ്പെടുത്തി. ആക്രമണം നടന്ന്​ മണിക്കൂറുകൾക്കകം തന്നെ പ്രാഥമിക അന്വേഷണം പോലുമില്ലാതെ പാകിസ്​താനാണ്​ പിന്നിലെന്ന്​ ഇന്ത്യ പ്രസ്താവിക്കുകയാണുണ്ടായത്​. ജമ്മു കശ്​മീർ സംഘർഷത്തിൽ പരിഹാരമില്ലാതെ മേഖലയിൽ സമാധാനം പുലർത്തുകയെന്നത്​ അസംഭവ്യമാണെന്നും ശരീഫ്​ പറഞ്ഞു.

കശ്​മീരിൽ കൊടിയ മനുഷ്യാവകാശ ലംഘനമാണ്​ നടത്തുന്നതെന്ന ശരീഫി​െൻറ യു.എൻ പ്രസംഗത്തിന് രൂക്ഷ ഭാഷയിൽ ഇന്ത്യ മറുപടി നൽകിയിരുന്നു. പാകിസ്​താൻ ഭീകര രാഷ്​ട്രമാണെന്നും ഭരണകൂടം ഭീകര സംഘടനകളെ വളർത്തികൊണ്ടുവരികയാണെന്നും ഇന്ത്യൻ പ്രതിനിധി യു.എന്നിൽ തിരിച്ചടിച്ചിരുന്നു.

 

Show Full Article
TAGS:Uri attack nawaz sharif 
Next Story