അഫ്​ഗാനിസ്​ഥാനിൽ ബസും ഇന്ധന ടാങ്കറും കൂട്ടിയിടിച്ച്​ 35 മരണം

കാബൂൾ: അഫ്​ഗാനിസ്​ഥാനിൽ ബസും ഇന്ധന ടാങ്കറും കൂട്ടിയിടിച്ച്​ 35 പേർ മരിച്ചു. കാണ്ഡഹാറിൽ നിന്നും കാബൂളിലേക്ക്​ പോവുകയായിരുന്ന ബസും ടാങ്കർ ലോറിയും നേർക്കുനേർ കൂട്ടിയിടിക്കുകയായിരുന്നു. അപകടത്തിൽ 20 പേർക്ക്​ പരിക്കേറ്റു. പരിക്കേറ്റവരെ അടുത്തുള്ള സ്വകാര്യ ആശ​ുപത്രിയിൽ പ്രവേശിപ്പിച്ചിട്ടുണ്ട്​. ഇടിയുടെ ആഘാതത്തിൽ ഇരു വാഹനങ്ങൾക്കും തീപിടിച്ചു. വെന്തു മരിച്ച പലരുടേയും മൃതദേഹങ്ങൾ തിരിച്ചറിയാൻ പറ്റാത്ത അവസ്​ഥയിലാണ്​.