ഗസ്സയില്‍ തുരങ്കപ്പാത തകര്‍ന്ന് എട്ടു പേരെ കാണാതായി

ഗസ്സ: കനത്ത മഴയെയും വെള്ളപ്പൊക്കത്തെയും തുടര്‍ന്ന് ഗസ്സയില്‍ ഭൂഗര്‍ഭ പാത തകര്‍ന്നുവീണ് എട്ട് ഹമാസ് പ്രവര്‍ത്തകരെ കാണാതായി. ജബലിയയിലെ തുരങ്കപ്പാതയാണ് തകര്‍ന്നത്. പ്രദേശം തിരിച്ചറിയാനാകാത്ത രീതിയിലായതായി സുരക്ഷാ ഉദ്യോഗസ്ഥര്‍ പറഞ്ഞു. 11 പേര്‍ തുരങ്കത്തിലുണ്ടായിരുന്നതായും ദുരന്തം സംഭവിച്ച് ആദ്യ മണിക്കൂറിനുള്ളില്‍ മൂന്നു പേരെ രക്ഷപ്പെടുത്തിയതായും സുരക്ഷാ ഉദ്യോഗസ്ഥര്‍ പറഞ്ഞു. കാണാതായവര്‍ക്കുവേണ്ടി തിരച്ചില്‍ തുടരുകയാണ്. ഏറെയായി കടുത്ത ഇസ്രായേല്‍ നിയന്ത്രണങ്ങള്‍ തുടരുന്നതിനാല്‍ അതിര്‍ത്തി കടക്കാനാണ് തുരങ്കപ്പാതകള്‍ നിര്‍മിച്ചത്. കഴിഞ്ഞ ദിവസം തുരങ്കപ്പാത തകര്‍ന്ന് 30കാരന്‍ മരിച്ചതിനു തൊട്ടുപിറകെയാണ് വീണ്ടും സമാന ദുരന്തം.
2014ല്‍ 50 ദിവസം നീണ്ട യുദ്ധത്തത്തെുടര്‍ന്ന് ഗസ്സക്കാര്‍ ഉപയോഗിക്കുന്ന ഭൂരിപക്ഷം തുരങ്കപ്പാതകളും ഇസ്രായേല്‍ സൈന്യം നശിപ്പിച്ചിരുന്നു.