മുല്ല ഫസലുല്ല കൊല്ലപ്പെട്ടതായി റിപ്പോർട്ട്

ഇസ്‌ലാമാബാദ്: പാക് താലിബാൻ നേതാവ് മുല്ല ഫസലുല്ല കൊല്ലപ്പെട്ടതായി റിപ്പോർട്ട്. അഫ്ഗാൻ, യു.എസ് സേനകൾ സംയുക്തമായി നടത്തിയ ഡ്രോൺ ആക്രമണത്തിലാണ് ഫസലുല്ല കൊല്ലപ്പെട്ടതെന്നാണ് പാകിസ്താൻ മാധ്യമങ്ങൾ റിപ്പോർട്ട് ചെയ്തത്. ഫസലുല്ലയുടെ അഫ്ഗാനിസ്താനിലെ വീടിന് നേർക്കാണ് യു.എസ് സൈന്യം ആക്രമണം നടത്തിയത്. ആക്രമണത്തിൽ ഫസലുല്ലയുടെ ഭാര്യയും മകനും കൊല്ലപ്പെട്ടതായും റിപ്പോർട്ടുണ്ട്.

പാകിസ്താനിലെ പെഷാവറിൽ സൈനിക സ്കൂളിലുണ്ടായ ആക്രമണത്തിനും ബച്ചാ ഖാൻ സർവകലാശാലയിലെ ആക്രമണത്തിനും പിന്നിൽ പ്രവർത്തിച്ച പാക് താലിബാന്‍റെ പ്രമുഖ നേതാവായ ഫസലുല്ലയെ പിടികൂടുന്നതിനുള്ള ശ്രമത്തിലായിരുന്നു പാക് സർക്കാർ.