ജപ്പാനില്‍ ശക്തമായ ഭൂചലനം; നാശ നഷ്ടങ്ങള്‍ ഇല്ല

ടോക്കിയോ: വടക്കന്‍ ജപ്പാനിലെ ഹൊക്കൈദോവില്‍ ശക്തമായ ഭൂചലനം. എന്നാല്‍, സുനാമി മുന്നറിയിപ്പ് ഇല്ല. റിക്ടര്‍ സ്കെയിലില്‍ 6.7 രേഖപ്പെടുത്തിയതായി ജപ്പാന്‍ മെറ്റീരിയോളജിക്കല്‍ ഏജന്‍സി അറിയിച്ചു. നാശനഷ്ടങ്ങളോ അപകടങ്ങളോ റിപോര്‍ട്ട് ചെയ്തിട്ടില്ല. ഉച്ചക്ക് ഭക്ഷണ സമയത്ത് ഉണ്ടായ ചലനത്തില്‍ ജനങ്ങള്‍ ഏറെ പരിഭ്രാന്തരായി. ശക്തമായ ചലനം 40 സെക്കന്‍റുകളോളം നീണ്ടു നിന്നതായി പ്രദേശവാസികള്‍ പറഞ്ഞു.