ഇറാഖില്‍ സൈനിക ഹെലികോപ്ടര്‍ തകര്‍ന്ന് ഒമ്പത് മരണം

ബഗ്ദാദ്: ഇറാഖിലെ ദക്ഷിണ ബഗ്ദാദില്‍ സൈനിക ഹെലികോപ്ടര്‍ തകര്‍ന്ന് ഒമ്പതുപേര്‍ മരിച്ചതായി റിപ്പോര്‍ട്ട്. മരിച്ചവരില്‍ രണ്ടുപേര്‍ സൈനിക ഉദ്യോഗസ്ഥരാണ്. ബസ്റയില്‍നിന്ന് ഖൂത്ത് നഗരത്തിലേക്ക് തിരിച്ച വിമാനമാണ് സാങ്കേതിക തകരാറിനെ തുടര്‍ന്ന് അപകടത്തില്‍പെട്ടത്. ഖൂത്ത് നഗര പരിധിയില്‍വെച്ചാണ് അപകടം. സോവിയറ്റ് യൂനിയന്‍ രൂപകല്‍പന ചെയ്ത ഈ കോപ്ടറിന് ആയുധ വാഹകശേഷിയുമുണ്ട്. ഈ ശ്രേണിയില്‍പെട്ട മറ്റൊരു കോപ്ടര്‍ രണ്ടുവര്‍ഷം മുമ്പ് തകര്‍ന്ന് മുതിര്‍ന്ന പട്ടാള ഉദ്യോഗസ്ഥന്‍ കൊല്ലപ്പെട്ടിരുന്നു.