ഉത്തര കൊറിയയുടെ മിസൈല്‍ വിക്ഷേപണത്തിന് വിമര്‍ശം

യുനൈറ്റഡ് നേഷന്‍സ്: ഉത്തര കൊറിയയുടെ ബാലിസ്റ്റിക് മിസൈല്‍ വിക്ഷേപണത്തെ വിമര്‍ശിച്ച് യു.എന്‍ സെക്യൂരിറ്റി കൗണ്‍സില്‍ രംഗത്ത്. 15 അംഗങ്ങളും ഒപ്പിട്ട പ്രസ്താവന, പരീക്ഷണം ആണവായുധ നിര്‍മാണത്തിന് ആക്കംകൂട്ടുന്നതും ഭീതി വളര്‍ത്തുന്നതുമാണെന്ന് വിമര്‍ശിച്ചു. എല്ലാ തരം ബാലിസ്റ്റിക് മിസൈല്‍ പരീക്ഷണങ്ങള്‍ക്കെതിരെയുമുള്ള നിരോധത്തിന്‍െറ കടുത്ത ലംഘനമായാണ് ആഗസ്റ്റ്, ജൂലൈ മാസങ്ങളിലായി ഉത്തര കൊറിയ നടത്തിയ വിക്ഷേപണത്തെ യു.എന്‍ വിലയിരുത്തുന്നത്. യു.എസും ദക്ഷിണ കൊറിയയും സൈനികാഭ്യാസം തുടങ്ങി ദിവസങ്ങള്‍ക്കകമാണ് ഉത്തര കൊറിയ മിസൈല്‍ വിക്ഷേപിച്ചിരിക്കുന്നത്.