ഇന്ത്യ-പാക് സമാധാനത്തിന് ചര്‍ച്ച മാത്രം പോംവഴി –ബാന്‍ കി മൂണ്‍

യുനൈറ്റഡ് നേഷന്‍സ്: ഭീകരവാദത്തിന്‍െറ പേരില്‍ വഷളായ ഇന്ത്യ-പാക് ബന്ധം മെച്ചപ്പെടുത്താന്‍ ചര്‍ച്ച മാത്രമാണ് പോംവഴിയെന്ന് ഐക്യരാഷ്ട്രസഭ സെക്രട്ടറി ജനറല്‍ ബാന്‍ കി മൂണ്‍ അഭിപ്രായപ്പെട്ടു. ചര്‍ച്ചകള്‍ക്കായി യു.എന്‍ എല്ലാ സഹായവും ചെയ്യും.
രണ്ടു രാജ്യങ്ങളുടെയും പുരോഗതിക്ക് ഉഭയകക്ഷി ചര്‍ച്ചകള്‍ പുനരാരംഭിക്കണം. ഭീകരവാദം ലോകത്തിനുതന്നെ ഭീഷണിയാണ്. ഇതവസാനിപ്പിക്കാന്‍  ലോകം പരിശ്രമിക്കുമ്പോള്‍ ഇന്ത്യയും പാകിസ്താനും ചര്‍ച്ചകള്‍ പുന$സ്ഥാപിക്കണമെന്നും ബാന്‍ കി മൂണ്‍ ആവശ്യപ്പെട്ടു.