പാകിസ്താനിൽ യു.എസ് ഡ്രോണ്‍ ആക്രമണത്തില്‍ താലിബാന്‍ നേതാവടക്കം 13 പേര്‍ കൊല്ലപ്പെട്ടു

ഇസ്ലാമാബാദ്: അഫ്ഗാന്‍ അതിര്‍ത്തിയില്‍  യു.എസ് ഡ്രോണ്‍ ആക്രമണത്തില്‍ താലിബാന്‍െറ മുതിര്‍ന്ന നേതാവടക്കം 13 തീവ്രവാദികള്‍ കൊല്ലപ്പെട്ടു.  എന്നാല്‍, ഇക്കാര്യം താലിബാന്‍ സ്ഥിരീകരിച്ചിട്ടില്ല. വടക്കന്‍ വസീറിസ്താന്‍ അതിര്‍ത്തിയിലെ ഖോസ്റ്റ് പ്രവിശ്യയിലാണ് സംഭവം.  താലിബാന്‍ നേതാവ് ഖാന്‍ സെയ്ദ് സജ്നാണ് കൊല്ലപ്പെട്ടത്. പാക് സുരക്ഷാ സൈനികര്‍ക്ക് നേരെ അടുത്തിടെ നടന്ന ആക്രമണങ്ങള്‍ക്ക് നേതൃത്വം നല്‍കിയത് ഖാന്‍ ആയിരുന്നു. ആക്രമണത്തില്‍ 20 പേര്‍ക്ക് പരിക്കുണ്ട്. സംഭവത്തെക്കുറിച്ച് അമേരിക്ക പ്രതികരിച്ചിട്ടില്ല. തെഹ്രീകെ താലിബാന്‍െറ സ്ഥാപകാംഗങ്ങളിലൊരാളാണ് ഖാന്‍.