തീവ്രവാദ ബന്ധം: പാക് നയതന്ത്രജ്ഞയെ തിരിച്ചുവിളിച്ചു

ധാക്ക: തീവ്രവാദികള്‍ക്ക് സാമ്പത്തികസഹായം നല്‍കി എന്ന കോടതി പരാമര്‍ശത്തെതുടര്‍ന്ന് പാകിസ്താന്‍ നയതന്ത്രജ്ഞയെ ബംഗ്ളാദേശില്‍നിന്ന് പിന്‍വലിച്ചു. ധാക്കയിലെ പാകിസ്താന്‍ ഹൈകമീഷണറുടെ സെക്രട്ടറി ഫറീന അര്‍ഷാദിനെയാണ് പാകിസ്താന്‍ തിരിച്ചുവിളിച്ചത്. ബുധനാഴ്ച ഉച്ചയോടെ പി.ഐ.എ വിമാനത്തില്‍ ബംഗ്ളാദേശിലേക്ക് പോയ ഇവരെ 72 മണിക്കൂറിനുള്ളില്‍ തിരിച്ചുവിളിക്കാന്‍ പാകിസ്താനോട് ബംഗ്ളാദേശ് ആവശ്യപ്പെടുകയായിരുന്നു. ബംഗ്ളാദേശില്‍നിന്ന് ഈ വര്‍ഷം പിന്‍വലിക്കുന്ന രണ്ടാമത്തെ പാക് നയതന്ത്രജ്ഞയാണ് ഫറീന. തീവ്രവാദികള്‍ക്ക് പണംനല്‍കിയതിലും, ഇന്ത്യന്‍ കറന്‍സി പുറത്തിറക്കുകയും വിതരണം ചെയ്തതിലും പങ്കുണ്ടെന്ന് കണ്ടത്തെിയതിനെതുടര്‍ന്ന് മസാര്‍ഖാനെ കഴിഞ്ഞ ജനുവരിയില്‍ പാകിസ്താന്‍ തിരിച്ചുവിളിച്ചിരുന്നു.