വിഷപ്പുക; ദുരിതമൊഴിയാതെ നഗരങ്ങള്‍

ബെയ്ജിങ്: തലസ്ഥാനനഗരമായ ബെയ്ജിങ് ഉള്‍പ്പെടെ രാജ്യത്തെ 40 പ്രധാന നഗരങ്ങളെ ഈ വര്‍ഷം വിഷപ്പുക പ്രതികൂലമായി ബാധിക്കുന്നതായി റിപ്പോര്‍ട്ട്. പുക കാരണമുണ്ടാകുന്ന പ്രശ്നങ്ങള്‍ ചൈനയില്‍ ഇപ്പോഴും തുടരുകയാണ്. ബെയ്ജിങ്ങില്‍ പുക വ്യാപിച്ചതുമൂലം റെഡ് അലെര്‍ട്ട് പ്രഖ്യാപിച്ചിരിക്കുകയാണ്. സ്കൂളുകള്‍ പൂട്ടുകയും ഫാക്ടറികള്‍ ഉല്‍പാദനം കുറക്കുകയും ചെയ്തിട്ടുണ്ട്.

രണ്ടു കോടിയിലേറെയാണ് ബെയ്ജിങ്ങിലെ ജനസംഖ്യ. ലോകാരോഗ്യ സംഘടന നിര്‍ദേശിച്ച അളവിനേക്കാള്‍ എത്രയോ മടങ്ങ് കൂടുതലാണ് ചൈനയില്‍ പുക പുറന്തള്ളുന്നത്. 17 നഗരങ്ങളില്‍ യെല്ളോ അലെര്‍ട്ടും അഞ്ചിടത്ത് ബ്ളൂ അലെര്‍ട്ടുമാണ് പുറപ്പെടുവിച്ചിരിക്കുന്നത്. കാറ്റിന്‍െറ കുറഞ്ഞ വേഗവും അന്തരീക്ഷത്തിലെ ഈര്‍പ്പവുമാണ് പുക തങ്ങിനില്‍ക്കാനുള്ള പ്രധാന കാരണങ്ങള്‍.