ലൈംഗികാപവാദം: ഇസ്രായേല്‍ ഉപപ്രധാനമന്ത്രി രാജിവെച്ചു

തെല്‍അവീവ്: ലൈംഗിക പീഡനക്കേസില്‍ കുടുങ്ങിയ ഇസ്രായേല്‍ ആഭ്യന്തരമന്ത്രിയും ഉപപ്രധാനമന്ത്രിയുമായ സില്‍വന്‍ ശാലോം രാജിവെച്ചു. ശാലോമിന്‍െറ കീഴിലെ 11 ജീവനക്കാരാണ് ആരോപണവുമായി രംഗത്തുവന്നത്. പ്രധാനമന്ത്രി ബിന്യമിന്‍ നെതന്യാഹുവിന്‍െറ ലിക്കുഡ് പാര്‍ട്ടി അംഗമായ ശാലോം പ്രസിഡന്‍റ് സ്ഥാനാര്‍ഥിയാകുമെന്ന് ഒരുവര്‍ഷം മുമ്പ് സൂചന ഉയര്‍ന്നപ്പോഴും ഇതേ ആരോപണമുണ്ടായിരുന്നു. രാജിവെച്ചതോടെ സംഭവം അന്വേഷിക്കാന്‍ ഇസ്രായേല്‍ അറ്റോണി ജനറല്‍ നിര്‍ദേശം നല്‍കിയിട്ടുണ്ട്. 2010ല്‍ ലൈംഗിക പീഡനക്കേസില്‍ പ്രതിയെന്ന് കണ്ടത്തെിയതിനെ തുടര്‍ന്ന് പ്രസിഡന്‍റ് മോശെ കസവ് ശിക്ഷിക്കപ്പെട്ടിരുന്നു.