അതിഥികളെ കടിച്ചു; നെതന്യാഹുവിന്‍െറ പട്ടി അകത്തായി

ജറൂസലം: അതിഥികളെ കടിച്ചതിന് ഇസ്രായേല്‍ പ്രധാനമന്ത്രി ബിന്യമിന്‍ നെതന്യാഹുവിന്‍െറ വളര്‍ത്തുപട്ടി കൈയക്ക് കാരാഗൃഹം. പാര്‍ലമെന്‍റംഗത്തെയും മന്ത്രിമാരുടെ ഭര്‍ത്താക്കന്മാരെയുമൊക്കെ കടിച്ചതോടെയാണ് പട്ടിയെക്കൊണ്ട് നെതന്യാഹു പുലിവാലു പിടിച്ചത്.  ജറൂസലം ദേവാലയത്തിന്‍െറ പുനര്‍നിര്‍മാണത്തിന്‍െറ അനുസ്മരണമായ ഹനൂഖാ ചടങ്ങിനിടെ  പട്ടി വിശിഷ്ടാതിഥികളെ കടിച്ചു പരിക്കേല്‍പിച്ചത്. കഴിഞ്ഞ ജൂലൈയിലാണ് വളര്‍ത്തുകേന്ദ്രത്തില്‍നിന്ന് നെതന്യാഹു പട്ടിയെ സ്വന്തമാക്കിയത്.