പാകിസ്താനില്‍ സ്ഫോടനം: 23 പേര്‍ കൊല്ലപ്പെട്ടു

കറാച്ചി: പാകിസ്താനിലെ വടക്കുകിഴക്കന്‍ ഗോത്രമേഖലയിലെ ചന്തയിലുണ്ടായ സ്ഫോടനത്തില്‍ 23 പേര്‍ കൊല്ലപ്പെടുകയും 50 പേര്‍ക്ക് പരിക്കേല്‍ക്കുകയും ചെയ്തു. അഫ്ഗാന്‍ അതിര്‍ത്തി മേഖലക്ക് സമീപത്താണിത്.  ആക്രമണത്തിന്‍െറ ഉത്തരവാദിത്തം ആരും ഏറ്റെടുത്തിട്ടില്ല. പരിക്കേറ്റ് ആശുപത്രിയില്‍ കഴിയുന്നവരുടെ നില ഗുരുതരമാണെന്നും മരണനിരക്ക് ഉയരാന്‍ സാധ്യതയുണ്ടെന്നും ആശുപത്രി അധികൃതര്‍ മാധ്യമങ്ങളോട് പറഞ്ഞു. സുന്നി ശിയാ ഭൂരിപക്ഷമുള്ള ഇവിടം സംഘര്‍ഷമേഖലയാണ്. താലിബാന്‍ അനുകൂലസംഘടനകളും ഈ മേഖലയില്‍ സജീവമാണ്.