മെയ്​ ദിന അവധി: ഷാങ്​ഹായിലെത്തിയത്​ 10 ലക്ഷം സന്ദർശകർ

ബെയ്​ജിങ്​: മെയ്​ ദിന അവധിയോട്​ അനുബന്ധിച്ച്​ ഷാങ്​ഹായിലെ വിനോദസഞ്ചാര കേന്ദ്രങ്ങളിലെത്തിയത്​ 10 ലക്ഷം സഞ്ചാരികൾ. കോവിഡ്​ 19 വൈറസ്​ ബാധക്ക്​ ശേഷം ഇതാദ്യമായാണ്​ ഇത്രയും സഞ്ചാരികൾ ഷാങ്​ഹായിയിലെത്തുന്നത്​.വെള്ളി, ശനി ദിവസങ്ങളിലായാണ്​ നഗരത്തിലെ 130 വിനോദസഞ്ചാര കേന്ദ്രങ്ങളിൽ ഇത്രയും ആളുകളെത്തിയത്​. അഞ്ച്​ ദിവസമാണ്​ ചൈനയിൽ മെയ്​ ദിന അവധി. 

4,56,000 പേർ വെള്ളിയാഴ്​ചയും 6,33,000 പേർ ശനിയാഴ്​ചയും നഗരത്തിലെത്തിയതായി ഷാങ്​ഹായ്​ മുനിസിപ്പൽ അഡ്​മിനിസ്​ട്രേഷൻ ആൻഡ്​ കൾച്ചറൽ ടൂറിസം അധികൃതർ പറഞ്ഞു. എല്ലാ വിനോദസഞ്ചാര കേന്ദ്രങ്ങളിലും തിരക്കൊഴിവാക്കാനായി റിസർവേഷൻ ഏർപ്പെടുത്തിയിട്ടുണ്ട്​.  നേരത്തെ അനുവദിച്ചിരുന്ന സന്ദർശകരുടെ 30 ശതമാനത്തിന്​ മാത്രമാണ്​ ഇപ്പോൾ പ്ര​വേശനാനുമതി.

എല്ലാവരോടും മാസ്​ക്​ ധരിക്കണമെന്ന്​ കർശനമായി ആവശ്യപ്പെട്ടിട്ടുണ്ട്​. വിനോദ സഞ്ചാര കേന്ദ്രങ്ങളിലെത്തുന്നവർ ഹെൽത്ത്​ ക്യു.ആർ കോഡ്​ സ്​കാൻ ചെയ്യുകയും ആരോഗ്യവിഭാഗത്തി​​െൻറ പ്രത്യേക സ്​ക്രീനിങ്ങിന്​ വിധേയമാവുകയും വേണം.