Begin typing your search above and press return to search.
proflie-avatar
Login
exit_to_app
exit_to_app
ഫലസ്തീനി ജനതക്കു മേലുള്ള അധിനിവേശത്തിൽനിന്ന് ഇസ്രായേൽ പിന്മാറണം -ക്രിസ്ത്യൻ മതനേതാക്കൾ
cancel
Homechevron_rightNewschevron_rightWorldchevron_rightഫലസ്തീനി ജനതക്കു...

ഫലസ്തീനി ജനതക്കു മേലുള്ള അധിനിവേശത്തിൽനിന്ന് ഇസ്രായേൽ പിന്മാറണം -ക്രിസ്ത്യൻ മതനേതാക്കൾ

text_fields
bookmark_border

ജറൂസലം: ജറൂസലമിലും ഗസ്സയിലും ഇസ്രായേൽ തുടരുന്ന അധിനിവേശത്തിൽ നടുക്കമറിയിച്ച്​ പശ്​ചിമേഷ്യയിലെ ക്രിസ്​ത്യൻ മതനേതാക്കളും സംഘടനകളും. ഇസ്രായേൽ അടിയന്തരമായി ആക്രമണം അവസാനിപ്പിച്ച്​ മേഖലയിൽ സമാധാനം തിരികെ കൊണ്ടുവരണമെന്നും അവർ ആവശ്യപ്പെട്ടു.

''അധിനിവിഷ്​ട ഫലസ്​തീനിൽ ഓരോ ദിവസവും കൂടുതൽ രൂക്ഷമാകുന്ന ആക്രമണങ്ങൾ നീണ്ട ഏഴു പതിറ്റാണ്ടായി ആ മണ്ണിൽ തുടരുന്ന അടിച്ചമർത്തലിന്‍റെയും സമ്മർദങ്ങളുടെയും അനിവാര്യ ഫലം മാത്രമാണ്​''- മിഡിൽ ഈസ്റ്റ്​ കൗൺസിൽ ഓഫ്​ ചർച്ചസ്​ പുറത്തിറക്കിയ വാർത്താകുറിപ്പ്​ പറയുന്നു. ''ഫലസ്​തീനി ജനതക്കു മേലുള്ള അധിനിവേശത്തിൽനിന്ന്​ പിൻവലിയലും സ്വാതന്ത്ര്യവും മാന്യതയും പൂർണ അവകാശങ്ങളും വകവെച്ചുനൽകലുമാണ്​ മേഖലയിൽ സമാധാനം സ്​ഥാപിക്കാനുള്ള മാർഗം. ഹിംസ ഹിംസയും ​െവറുപ്പ്​ കൂടുതൽ വെറുപ്പും തീവ്രവാദം കൂടുതൽ തീവ്രവാദവും മാത്രമേ ഉൽപാദിപ്പിക്കു. അവകാശ നിഷേധങ്ങൾ വിപ്ലവങ്ങളുണ്ടാക്കും. നാശകാരിയായ ഈ സംഭവ പരമ്പര ഒഴിവാക്കാൻ ഓരോരുത്തർക്കും അവരുടെ അവകാശങ്ങൾ നൽകിയും അടിച്ചമർത്തപ്പെട്ടവന്‍റെ അവകാശങ്ങളെ അംഗീകരിച്ചും മാത്രമേ സാധിക്കൂ''- പ്രസ്​താവന തുടരുന്നു.

കിഴക്കൻ ജറൂസലമിലെ ആക്രമണങ്ങൾ ഹൃദയഭേദകവും ആശങ്കാജനകവുമാണെന്ന്​ ജറൂസലമിലെ സഭാനേതൃത്വം കഴിഞ്ഞ ദിവസം പ്രസ്​താവനയിൽ അറിയിച്ചു. ''അൽ അഖ്​സ മസ്​ജിദിലും ശൈഖ്​ ജർറാഹിലുമുൾപെടെ നടക്കുന്ന ആശങ്കാജനകമായ സംഭവങ്ങൾ സമാധാന നഗരമായ ജറൂസലമിന്‍റെയും നഗരത്തിലെ ജനങ്ങളുടെയും പവിത്ര​തയെ കളങ്ക​പ്പെടുത്തുന്നതാണ്​. വിശുദ്ധ നഗരമായ ജറൂസലമിന്‍റെ തത്​സ്​ഥിതി നിലനിർത്തുകയാണ്​ എല്ലാ വിഭാഗങ്ങളും വേണ്ടത്​. തീവ്ര വലതുപക്ഷ വിഭാഗങ്ങളുടെ പിന്തുണയോടെ മൂർഛിക്കുന്ന സംഘർഷം ജറൂസലമിനു ചുറ്റുമുള്ള നിർമല യാഥാർഥ്യങ്ങളെ അപകടപ്പെടുത്തും''- പ്രസ്​താവന കൂട്ടിച്ചേർത്തു.

അതേ സമയം, ''ശൈഖ്​ ജർറാഹി​ൽ ഫലസ്​തീനികളെ നിർബന്ധിതമായി കുടിയിറക്കൽ ഒരിക്കലും അംഗീകരിക്കാനാവാത്ത മനുഷ്യാവകാശ ലംഘനമാണെ''ന്ന്​ ജറൂസലമിലെ ലാറ്റിൻ പാ​ട്രി​യാർക്കേറ്റ്​ വ്യക്​തമാക്കി. ''ആരാധനക്കെത്തിയവർക്കു നേരെയുള്ള ആക്രമണം വിശുദ്ധ സ്​ഥലങ്ങളിൽ സ്വൈരമായി ആരാധന നിർവഹിക്കാനുള്ള അവകാശവും സ്വാതന്ത്ര്യവുമാണ്​ ഹനിച്ചത്​. ഏകദൈവ വിശ്വാസത്തിലധിഷ്​ഠിതമായ മൂന്നു മതങ്ങളുടെയും വിശുദ്ധ നഗരമാണിത്​. നിലവിലെ രാജ്യാന്തര ചട്ടങ്ങളും യു.എൻ പ്രമേയങ്ങളും പ്രകാരം ഫലസ്​തീനികളായ ക്രിസ്​ത്യാനികൾക്കും മുസ്​ലിംകൾക്കും സ്വാതന്ത്ര്യത്തിലും സമത്വത്തിലും സമാധാനത്തിലുമധിഷ്​ഠിതമായ ഭാവി രൂപപ്പെടുത്താൻ അവകാശമുണ്ട്​''- പ്രസ്​താവന പറയുന്നു.

ജറൂസലമിലും ഫലസ്​തീനി ജനതക്കുനേരെയുമുള്ള ആക്രമണങ്ങളെ ലബനാൻ മാറോനൈറ്റ്​ പാട്രിയാർക്​ ആയ കർദിനാൾ ബെച്ചാര റായ്​ അപലപിച്ചു.

റമദാനിലും അതുകഴിഞ്ഞ്​ പെരുന്നാൾ ദിനത്തിലുമുൾപെടെ കിഴക്കൻ ജറൂസലമിലും ഗസ്സയിലും ഇസ്രായേൽ നടത്തുന്ന അതിക്രമങ്ങൾക്കെതിരെ ലോക സമൂഹം ശക്​തമായ പ്രതികരണവുമായി രംഗത്തെത്തിയിട്ടും ആക്രമണം അവസാനിപ്പിച്ചില്ലെന്നു മാത്രമല്ല, കൂടുതൽ കടുപ്പിക്കുകയാണ്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:PalestineIsraelgaza attackChristian leaders
News Summary - As Israeli-Palestinian violence escalates, Christian leaders voice concern
Next Story