നിർമിത ബുദ്ധി മനുഷ്യന് മഹാദുരന്തമാകും -മുന്നറിയിപ്പുമായി ​ബ്ലെ​ച്ച്‍ലി പ്ര​ഖ്യാ​പ​ന​ം

ല​ണ്ട​ൻ: അ​തി​വേ​ഗം ലോ​കം കീ​ഴ​ട​ക്കാ​നൊ​രു​ങ്ങു​ന്ന നി​ർ​മി​ത ബു​ദ്ധി സാ​​ങ്കേ​തി​ക​ത മ​നു​ഷ്യ​വം​ശ​ത്തി​ന് മ​ഹാ​ദു​ര​ന്തം സൃ​ഷ്ടി​ക്കു​മെ​ന്ന മു​ന്ന​റി​യി​പ്പു​മാ​യി പ്ര​മു​ഖ രാ​ജ്യ​ങ്ങ​ൾ പു​റ​ത്തി​റ​ക്കി​യ പ്ര​ഖ്യാ​പ​നം. പ്രഥമ നിർമിത ബുദ്ധി ഉ​ച്ച​കോ​ടി​യു​ടെ ഉ​ദ്ഘാ​ട​ന ദി​വ​സം യു.​എ​സ്, യു.​കെ, യൂ​റോ​പ്യ​ൻ യൂ​നി​യ​ൻ, ചൈ​ന എ​ന്നി​വയടക്കം ഒ​പ്പു​വെ​ച്ച ​​​​ബ്ലെ​ച്ച്‍ലി പ്ര​ഖ്യാ​പ​ന​ത്തി​ലാ​ണ് പു​റ​ത്തി​റ​ക്കി​യ മു​ന്ന​റി​യി​പ്പു​ള്ള​ത്.

ബ്രി​ട്ടീ​ഷ് സ​ർ​ക്കാ​ർ ആ​തി​ഥ്യം വ​ഹി​ച്ച ഉ​ച്ച​കോ​ടി​യി​ൽ ഇ​ന്ത്യ, യു.​എ​സ്, ഫ്രാ​ൻ​സ് അ​ട​ക്കം 28 രാ​ജ്യ​ങ്ങ​ൾ പ​​ങ്കെ​ടു​ത്തു. ഈ ​വി​ഷ​യ​ത്തി​ൽ രാ​ജ്യാ​ന്ത​ര സ​ഹ​ക​ര​ണം ഉ​റ​പ്പാ​ക്കാ​ൻ ആ​ദ്യ​പ​ടി​യാ​യി ആ​റു മാ​സ​ത്തി​നി​ടെ ദ​ക്ഷി​ണ കൊ​റി​യ​യി​ലും പി​ന്നീ​ട് ഫ്രാ​ൻ​സി​ലും ഭാ​വി സു​ര​ക്ഷ ഉ​ച്ച​കോ​ടി​ക​ൾ ന​ട​ത്താ​നും തീ​രു​മാ​ന​മാ​യി. ഇ​ന്ത്യ​യെ പ്ര​തി​നി​ധാ​നം ചെ​യ്ത് കേ​ന്ദ്ര​മ​ന്ത്രി രാ​ജീ​വ് ച​ന്ദ്ര​ശേ​ഖ​ർ പ​​ങ്കെ​ടു​ക്കു​ന്നു​ണ്ട്. ദ​ക്ഷി​ണ ഇം​ഗ്ല​ണ്ടി​ലെ ബ​ക്കി​ങ്ഹാം​ഷ​യ​റി​ൽ ​ബ്ലെ​ച്ച്‍ലി പാ​ർ​ക്കി​ലാ​ണ് ദ്വി​ദി​ന ഉ​ച്ച​കോ​ടി.

‘‘ബോ​ധ​പൂ​ർ​വ​മോ അ​ല്ലാ​തെ​യോ ഗു​രു​ത​ര​മാ​യ, ചി​ല​പ്പോ​ൾ ദു​ര​ന്ത​സ​മാ​ന​മാ​യ നാ​ശ​ത്തി​ന് ശേ​ഷി​യു​ള്ള​താ​ണ് ഈ ​നി​ർ​മി​ത ബു​ദ്ധി മാ​തൃ​ക​ക​ൾ. നി​ർ​മി​ത ബു​ദ്ധി രം​ഗ​ത്ത് അ​തി​വേ​ഗ​ത്തി​ൽ, അ​നി​ശ്ചി​ത​മാ​യ വേ​ഗ​ത്തി​ൽ സം​ഭ​വി​ക്കു​ന്ന മാ​റ്റ​ങ്ങ​ളും ഒ​പ്പം ഈ ​മേ​ഖ​ല​യി​ലെ നി​ക്ഷേ​പ​ങ്ങ​ളും പ​രി​ഗ​ണി​ച്ചാ​ൽ ഇ​വ ഉ​യ​ർ​ത്താ​വു​ന്ന ഭീ​ഷ​ണി​ക​ൾ നേ​രി​ട​ൽ അ​നി​വാ​ര്യ​മാ​ണ്’’ -പ്ര​ഖ്യാ​പ​നം പ​റ​യു​ന്നു. ഭ​ര​ണ​കൂ​ട​ങ്ങ​ൾ​ക്ക് പു​റ​മെ അ​ക്കാ​ദ​മി​ക വി​ശാ​ര​ദ​ർ, ക​മ്പ​നി​ക​ൾ എ​ന്നി​വ​യു​ടെ പ്ര​തി​നി​ധി​ക​ൾ പ​​ങ്കെ​ടു​ക്കു​ന്ന ഉ​ച്ച​കോ​ടി ഈ ​രം​ഗ​ത്ത് നി​ർ​ണാ​യ​ക ചു​വ​ടു​വെ​പ്പാ​കു​മെ​ന്നാ​ണ് ക​ണ​ക്കു​കൂ​ട്ട​ൽ.