ഗിനിയിൽ സൈനിക അട്ടിമറി; സർക്കാർ പിരിച്ചുവിട്ടു, അതിർത്തികൾ അടച്ചു

കൊണാക്രി: പടിഞ്ഞാറൻ ആഫ്രിക്കൻ രാജ്യമായ ഗിനിയിൽ സൈനിക അട്ടിമറി. പ്രസിഡൻറ്​ ആൽഫ കോണ്ടെയുടെ നേതൃത്വത്തിലുള്ള സർക്കാരിനെ പിരിച്ചുവിട്ടതായും സൈന്യം അറിയിച്ചു. തലസ്​ഥാനത്തെ പ്രസിഡൻറി​െൻറ കൊട്ടാരത്തിനു സമീപം ഞായറാഴ്​ച വെടിവെപ്പുണ്ടായിരുന്നു. മൂന്നു സൈനികർ മരിച്ചതായി റിപ്പോർട്ടുണ്ട്​. അത്​കഴിഞ്ഞ്​ മണിക്കൂറുകൾക്കകമാണ്​ സൈന്യം രാജ്യത്തി​െൻറ നിയന്ത്രണം ഏറ്റെടുത്തത്​.

83 കാരനായ പ്രസിഡൻറ്​ കോണ്ടെ എവിടെയാണെന്ന്​​ വ്യക്തമല്ല. സൈനിക മേധാവി കേണൽ മമാദി ദൂംബയയും ഇതെ കുറിച്ച്​ സൂചന നൽകിയിട്ടില്ല. ഭരണഘടന പിരിച്ചുവിട്ടതായും രാജ്യത്തി​െൻറ അതിർത്തികൾ അടച്ചതായും ദൂംബയ അറിയിച്ചു.

സൈനിക അട്ടിമറിക്കു പിന്നാലെ സൈന്യം നഗരങ്ങളിൽ പട്രോളിങ്​ ആരംഭിച്ചു. ചിലയിടങ്ങളിൽ ജനങ്ങളോട്​ വീട്ടിൽ നിന്ന്​ പുറത്തിറങ്ങരുതെന്ന്​ ആവശ്യപ്പെട്ടിട്ടുണ്ട്​. പ്രസിഡൻറി​െൻറ കൊട്ടാരത്തിനു ചുറ്റും സായുധധാരികളായ സൈന്യം റോന്തു ചുറ്റുകയാണ്​. കഴിഞ്ഞവർഷം കോണ്ടെ മൂന്നാമതും പ്രസിഡൻറായി തെരഞ്ഞെടുക്കപ്പെട്ടതോടെയാണ്​ രാജ്യം അസ്​ഥിരതയിലേക്ക്​ നീങ്ങിയത്​. ഭരണഘടനഭേദഗതിയിലൂടെയാണ്​ അദ്ദേഹം മൂന്നാമതുംഅധികാരത്തിലെത്തിയത്​. ഇതിനെതിരെ​ രാജ്യത്ത്​ വൻ പ്രതിഷേധം​ അരങ്ങേറിയിരുന്നു​. നിരവധിയാളുകൾ കൊല്ലപ്പെടുകയും ചെയ്​തു.