'സ്വാതന്ത്ര്യം നശിപ്പിക്കരുത്'​; ലോക്​ഡൗണിനെതിരെ ആസ്​ട്രേലിയയിൽ കൂറ്റൻ പ്രതിഷേധം

സിഡ്​നി: ലോക്​ഡൗൺ നിയന്ത്രണങ്ങൾക്കെതിരെ ആസ്​ട്രേലിയൻ നഗരങ്ങളിൽ കൂറ്റൻ പ്രതിഷേധം. സിഡ്​നി അടക്കമുള്ള നഗരങ്ങളിൽ നടന്ന പ്രതിഷേധങ്ങളിൽ ആയിരക്കണകിന്​ പേർ പ​ങ്കെടുത്തു. പലയിടത്തും പ്രതിഷേധക്കാരും പൊലീസും ഏറ്റുമുട്ടി. നിരവധി പേരെ അറസ്റ്റ്​ ചെയ്യുകയും പിഴ വിധിക്കുകയും ചെയ്​തിട്ടുണ്ട്​്​.

മാസ്​ക്​ ധരിക്കാതെയാണ്​ പ്രതിഷേധക്കാർ സമരത്തിൽ പ​ങ്കെടുത്തത്​. ഫ്രീഡം, ട്രൂത്ത്​ എന്നിവ എഴുതിയ ബോർഡുകളും കൈയ്യിലേന്തിയായിരുന്നു പ്രകടനം. ജനങ്ങൾക്ക്​ ജനാധിപത്യപരമായി പ്രതിഷേധിക്കാൻ അവകാശമുണ്ട്​. പക്ഷേ ജനങ്ങളുടെ ആരോഗ്യത്തെ ബാധിക്കുന്ന വിധം കൂടിച്ചേർന്നതിനാലാണ്​ നടപടി സ്വീകരിച്ചതെന്ന്​ ന്യൂ സൗത്ത്​ വെയിൽസ്​ പൊലീസ്​ പറഞ്ഞു.

കേസുകൾ വർധിച്ചതോടെയാണ്​ ആസ്​ട്രേലിയയിൽ കനത്ത നിയന്ത്രണങ്ങൾ ആരംഭിച്ചത്​. വലിയ ശതമാനത്തിനും വാക്​സിൻ ലഭിക്കാത്തത്​ കൊണ്ടുതന്നെ ജനങ്ങൾ പ്രതിഷേധത്തിലാണ്​.