ആസ്ട്രേലിയയിൽ ആ​ന്‍റ​ണി ആൽബനീസിന് രണ്ടാമൂഴം; ഒരു ക​ക്ഷിക്ക് ഭ​ര​ണ​ത്തു​ട​ർ​ച്ച​ കിട്ടു​ന്ന​ത്​ 21 വ​ർ​ഷ​ത്തിനി​ടെ ആ​ദ്യം

കാ​ൻ​ബ​റ: ആ​സ്ട്രേ​ലി​യ​ൻ ​പൊ​തു​തെ​ര​ഞ്ഞെ​ടു​പ്പി​ൽ പ്ര​ധാ​ന​മ​ന്ത്രി ആ​ന്റ​ണി ആ​ൽ​ബ​നീ​സി​ന്റെ ലേ​ബ​ർ പാ​ർ​ട്ടി വീ​ണ്ടും അ​ധി​കാ​ര​ത്തി​ലേ​ക്ക്. 21 വ​ർ​ഷ​ങ്ങ​ൾ​ക്കി​ടെ ആ​ദ്യ​മാ​യാ​ണ് രാ​ജ്യ​ത്ത് ഭ​ര​ണ​ക​ക്ഷി തു​ട​ർ​ച്ച​യാ​യി ര​ണ്ടാ​മ​തും ​വി​ജ​യി​ക്കു​ന്ന​ത്.

ആ​സ്ട്രേ​ലി​യ​ൻ ഇ​ല​ക്ട​റ​ൽ ക​മീ​ഷ​ന്റെ പ്രാ​ഥ​മി​ക ക​ണ​ക്ക് പ്ര​കാ​രം ആ​ൽ​ബ​നീ​സി​ന്റെ മ​ധ്യ-​ഇ​ട​ത് ലേ​ബ​ർ പാ​ർ​ട്ടി 70 സീ​റ്റു​ക​ളാ​ണ് സ്വ​ന്ത​മാ​ക്കി​യ​ത്. പ്ര​ധാ​ന പ്ര​തി​പ​ക്ഷ​മാ​യ ലി​ബ​റ​ൽ പാ​ർ​ട്ടി​ക്ക് 24 സീ​റ്റു​ക​ൾ ല​ഭി​ച്ചു. ചെ​റു പാ​ർ​ട്ടി​ക​ളും സ്വ​ത​ന്ത്ര സ്ഥാ​നാ​ർ​ഥി​ക​ളും 13 സീ​റ്റു​ക​ളി​ൽ വി​ജ​യി​ച്ചു. 150 സീ​റ്റു​ക​ളു​ള്ള ജ​ന​പ്ര​തി​നി​ധി സ​ഭ​യി​ലേ​ക്ക് ശ​നി​യാ​ഴ്ച പൂ​ർ​ത്തി​യാ​യ തെ​ര​ഞ്ഞെ​ടു​പ്പി​ൽ പ്ര​തി​പ​ക്ഷ നേ​താ​വ് പീ​റ്റ​ർ ഡ​റ്റ​ൻ വ​ൻ പ​രാ​ജ​യം ഏ​റ്റു​വാ​ങ്ങി.

ആ​ഗോ​ള അ​നി​ശ്ചി​താ​വ​സ്ഥ​യു​ടെ കാ​ല​ത്ത് ആ​സ്ട്രേ​ലി​യ​ക്കാ​ർ ശു​ഭാ​പ്തി​വി​ശ്വാ​സ​വും ദൃ​ഢ​നി​ശ്ച​യ​വും തെ​ര​ഞ്ഞെ​ടു​ത്ത​താ​യി ഫ​ലം പു​റ​ത്തു​വ​ന്ന​തി​ന് പി​ന്നാ​ലെ സി​ഡ്നി​യി​ൽ അ​നു​യാ​യി​ക​ളെ അ​ഭി​സം​ബോ​ധ​ന ചെ​യ്ത ആ​ൽ​ബ​നീ​സ് പ​റ​ഞ്ഞു.

ആ​സ്ട്രേ​ലി​യ​യി​ൽ ആ​ദ്യ​മാ​യാ​ണ് പ്ര​തി​പ​ക്ഷ നേ​താ​വ് തെ​ര​ഞ്ഞെ​ടു​പ്പി​ൽ തോ​ൽ​ക്കു​ന്ന​ത്. ബ്രി​സ്ബെ​യ്നി​ന്റെ പ​ടി​ഞ്ഞാ​റ​ൻ മേ​ഖ​ല​യാ​യ ഡി​ക്സ​നി​ൽ മ​ത്സ​രി​ച്ച ഡ​റ്റ​നെ, ലേ​ബ​ർ സ്ഥാ​നാ​ർ​ഥി അ​ലി ഫ്രാ​ൻ​സാ​ണ് തോ​ൽ​പി​ച്ച​ത്. 24 വ​ർ​ഷ​മാ​യി തു​ട​ർ​ച്ച​യാ​യി വി​ജ​യി​ച്ച മ​ണ്ഡ​ല​മാ​ണ് ഡ​റ്റ​നെ കൈ​വി​ട്ട​ത്.

പ​രാ​ജ​യ​ത്തി​ന്റെ പൂ​ർ​ണ ഉ​ത്ത​ര​വാ​ദി​ത്തം ഏ​റ്റെ​ടു​ക്കു​ന്ന​താ​യും പ്ര​ധാ​ന​മ​ന്ത്രി ആ​ൽ​ബ​നീ​സി​നെ അ​ഭി​ന​ന്ദി​ച്ച​താ​യും ഡ​റ്റ​ൻ പ​റ​ഞ്ഞു. ​പ​ണ​പ്പെ​രു​പ്പ​വും ഊ​ർ​ജ ന​യ​വും മു​ഖ്യ​ച​ർ​ച്ച​യാ​യ തെ​ര​ഞ്ഞെ​ടു​പ്പി​ൽ, യു.​എ​സ് പ്ര​സി​ഡ​ന്റ് ഡോ​ണ​ൾ​ഡ് ട്രം​പി​ന്റെ ന​യ​ങ്ങ​ളു​ണ്ടാ​ക്കി​യ അ​നി​ശ്ചി​ത​ത്വ​വും പ്ര​ചാ​ര​ണ​ത്തി​ൽ ആ​ധി​പ​ത്യം പു​ല​ർ​ത്തി.

ഏ​പ്രി​ൽ 22ന് ​തു​ട​ങ്ങി​യ വോ​ട്ടെ​ടു​പ്പി​ൽ 18 ദ​ശ​ല​ക്ഷം പൗ​ര​ന്മാ​ണ് സ​മ്മ​തി​ദാ​നാ​വ​കാ​ശം വി​നി​യോ​ഗി​ച്ച​ത്. രാ​ജ്യ​ത്ത് പ​ണ​പ്പെ​രു​പ്പം വ​ർ​ധി​ച്ച​താ​യും ആ​ൽ​ബ​നീ​സ് സ​ർ​ക്കാ​ർ പ​ലി​ശ​നി​ര​ക്ക് കു​ത്ത​നെ ഉ​യ​ർ​ത്തി​യ​താ​യും തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​നി​ടെ പ്ര​തി​പ​ക്ഷം ആ​രോ​പി​ച്ചി​രു​ന്നു. എ​ന്നാ​ൽ, യു.​എ​സ് പ്ര​സി​ഡ​ന്റി​നെ​യും അ​ദ്ദേ​ഹ​ത്തി​ന്റെ കാ​ര്യ​ക്ഷ​മ​താ വ​കു​പ്പി​നെ​യും അ​നു​ക​രി​ക്കു​ക​യാ​ണെ​ന്ന ലേ​ബ​ർ പാ​ർ​ട്ടി​യു​ടെ പ്ര​ചാ​ര​ണം ഡ​റ്റ​നും പാ​ർ​ട്ടി​ക്കും തെ​ര​ഞ്ഞെ​ടു​പ്പി​ൽ തി​രി​ച്ച​ടി​യാ​യെ​ന്നാ​ണ് സൂ​ച​ന.