സിറിയയിൽ ഇസ്രായേൽ ബോംബ് പൊട്ടിയത് ചാനൽ ഓഫിസിന് സമീപം; ലൈവിനിടെയുള്ള അവതാരകയുടെ ദൃശ്യങ്ങൾ വൈറൽ -വിഡിയോ

ഡമാസ്കസ്: സിറിയയിൽ ചാനൽ ഓഫീസിന് സമീപം ഇസ്രായേൽ ബോംബ് സ്ഫോടനം. ലൈവ് ടെലികാസ്റ്റിനിടെയാണ് വ്യോമാക്രമണമുണ്ടായത്. ആക്രമണത്തിന് പിന്നാലെ ലൈവ് നിർത്തി വാർത്താ അവതാരക പോകുന്ന ദൃശ്യങ്ങൾ സമൂഹമാധ്യമങ്ങളിൽ വൈറലായി.

ഈ ദൃശ്യങ്ങൾ ഇസ്രായേൽ പ്രതിരോധമന്ത്രി കാറ്റ്സ് സമൂഹമാധ്യമങ്ങളിലൂടെ പങ്കുവെക്കുകയും ചെയ്തു. ഡമാസ്കസി​നുള്ള മുന്നറിയിപ്പുകൾ അവസാനിച്ചു. ഇനി വേദനയുണ്ടാക്കുന്ന തിരിച്ചടികളാണ് അവരെ കാത്തിരിക്കുന്നത്. ഇസ്രായേൽ സൈന്യത്തിന്റെ ആക്രമണങ്ങൾ സിറിയയിൽ തുടരുമെന്നും അദ്ദേഹം എക്സിലെ കുറിപ്പിൽ വ്യക്തമാക്കി.

ദക്ഷിണ സിറിയയിലെ സുവൈദയിൽ ഇസ്രായേൽ ആക്രമണം കടുപ്പിക്കുകയാണ്. നിരവധി പേർ ആക്രമണങ്ങളിൽ മരിച്ചുവെന്നാണ് റിപ്പോർട്ട്. തുടർച്ചയായ മൂന്ന് ദിവസങ്ങളിലായി സിറിയയിൽ ഇസ്രായേൽ ആക്രമണം തുടരുകയാണ്.

സി​റി​യ​ൻ ന​ഗ​ര​മാ​യ സു​വൈ​ദ​യി​ൽ ഡ്രൂ​സ് സാ​യു​ധ സം​ഘ​ങ്ങ​ളും പ്രാ​ദേ​ശി​ക വി​ഭാ​ഗ​ങ്ങ​ളും ത​മ്മി​ലെ വെ​ടി​നി​ർ​ത്ത​ൽ പാ​ളി​യ​തി​നു പി​ന്നാ​ലെയാണ് സി​റി​യ​ൻ സൈ​നി​ക ത​ല​സ്ഥാ​ന​ത്ത് ബോം​ബി​ട്ട് ഇ​സ്രാ​യേ​ൽ. ബു​ധ​നാ​ഴ്ച വൈ​കീ​ട്ടോ​ടെ ഡ​മ​സ്ക​സി​ലെ സൈ​നി​ക ആ​സ്ഥാ​ന​ത്ത് പ്ര​വേ​ശ​ന ക​വാ​ട​വും പ​രി​സ​ര​വു​മാ​ണ് ബോം​ബി​ട്ട് ത​ക​ർ​ത്ത​ത്.

ഡ്രൂ​സു​ക​ൾ​ക്കു നേ​രെ സി​റി​യ​ൻ സൈ​ന്യം ന​ട​ത്തു​ന്ന അ​തി​ക്ര​മ​ങ്ങ​ൾ​ക്ക് മ​റു​പ​ടി​യാ​യാ​ണ് ആ​ക്ര​മ​ണ​മെ​ന്നാ​ണ് ഇ​സ്രാ​യേ​ൽ വി​ശ​ദീ​ക​ര​ണം. സി​റി​യ​ൻ പ്ര​തി​രോ​ധ മ​ന്ത്രാ​ല​യ​ത്തി​നു സ​മീ​പ​വും ഇ​സ്രാ​യേ​ൽ ആ​ക്ര​മ​ണം ന​ട​ത്തി​യ​താ​യി റി​പ്പോ​ർ​ട്ടു​ക​ൾ പ​റ​യു​ന്നു. തെ​ക്ക​ൻ സി​റി​യ​യി​ലെ സു​വൈ​ദ​യി​ൽ ഡ്രൂ​സു​ക​ളും ത​ദ്ദേ​ശീ​യ​രാ​യ മ​റ്റു വി​ഭാ​ഗ​വും ത​മ്മി​ലെ സം​ഘ​ർ​ഷ​ത്തെ തു​ട​ർ​ന്ന് സി​റി​യ​ൻ സേ​ന ഇ​റ​ങ്ങി വെ​ടി​നി​ർ​ത്ത​ൽ പ്ര​ഖ്യാ​പി​ച്ചി​രു​ന്നു.