ഭീകരത: പാകിസ്താൻ നടപടിയെടുത്തില്ലെങ്കിൽ യു.എസ് മുന്നിട്ടിറങ്ങും
text_fieldsവാഷിങ്ടൺ: ഭീകര സംഘടനകൾക്കെതിരെ നടപടിയെടുക്കാൻ മടിക്കുന്ന പാകിസ്താന് മുന്നറിയിപ്പുമായി യു.എസ്. ഭീകരതക്കെതിരെ നടപടി എടുത്തില്ലെങ്കിൽ യു.എസ് മുന്നിട്ടിറങ്ങുമെന്ന് ഭീകരവിരുദ്ദ പ്രവർത്തനങ്ങൾക്ക് പണം നൽകുന്നത് തടയാൻ നേതൃത്വം നൽകുന്ന ആക്ടിങ് അണ്ടര് സെക്രട്ടറി ആദം സൂബിൻ പറഞ്ഞു.
ഭീകര സംഘടനകൾക്കെതിരെ പാകിസ്താൻ നടപടിയെടുക്കണം. ഇക്കാര്യത്തിൽ പാകിസ്താനെ സഹായിക്കാനും തയാറാണ്. ഇതൊക്കെ മറികടന്ന് ഭീകരവാദികൾക്ക് പിന്തുണയും സാമ്പത്തിക സഹായവും നൽകുന്നത് തുടർന്നാൽ ശക്തമായ നടപടിയെടുക്കുമെന്നും അദ്ദേഹം മുന്നറിയിപ്പ് നൽകി.
ഭീകരവാദത്തിന് പാകിസ്താൻ തന്നെ നിരവധി തവണ ഇരയായിട്ടുണ്ട്. സ്കൂളുകൾ, മാർക്കറ്റുകൾ, ആരാധനാലയങ്ങൾ തുടങ്ങി നിരവധി ഇടങ്ങളിൽ പല തവണ ഭീകരാക്രമണങ്ങൾ ഉണ്ടായിട്ടുണ്ട്. ആ സന്ദർഭങ്ങളിൽ ഭീകരർക്കെതിരെ നടപടിയെടുക്കുന്നതിൽനിന്നു പാകിസ്താൻ പിന്നോട്ടുപോയിട്ടുണ്ട്. ഇസ്ലാമിക് സ്റ്റേറ്റിനെ ഭീകരസംഘടനയായി പ്രഖ്യാപിച്ചത് പാകിസ്താെൻറ വലിയ നേട്ടമാണെന്നും ആദം സൂബിൻ ചൂണ്ടിക്കാട്ടി.
തെഹ്രീകെ താലിബാനെതിരെ ശക്തമായ നടപടികൾ സ്വീകരിക്കുേമ്പാഴും പാക് ചാരസംഘടനയായ ഐ.എസ്.ഐ ഭീകരസംഘടനകൾക്ക് ഇപ്പോഴും സഹായം നൽകുന്നത് തുടരുകയാണ്. ഇതൊരു വലിയ പ്രശ്നമാണെന്നും ആദം സൂബിൻ പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.