ഇംപീച്ച്മെന്‍റ് നടപടികൾ നിർത്തണമെന്ന് അമേരിക്കൻ വൈറ്റ് ഹൗസ്

വാഷിങ്ടൺ: അമേരിക്കൻ പ്രസിഡന്‍റ് ഡൊണാൾഡ് ട്രംപിനെതിരെ പ്രതിനിധി സഭയായ കോൺഗ്രസ് തുടരുന്ന ഇംപീച്ച്മെന്‍റ് നടപടികൾ നിർത്തണമെന്ന് വൈറ്റ് ഹൗസ്. ​ജുഡീ​ഷ്യ​റി സ​മി​തി​ക്ക് നൽകിയ കത്തിലാണ് നടപടികൾ നിർത്തിവെക്കാൻ വൈറ്റ് ഹൗസ് ആവശ്യപ്പെട്ടത്.

ട്രംപിനെതിരെ നികുതിപണം ഉപയോഗിച്ച് നടത്തുന്ന വ്യക്തിഹത്യയാണെന്നും ഇംപീച്ച്മെന്‍റ് വ്യവസ്ഥകൾ അധികാര ദുർവിനിയോഗമാണെന്നും കത്തിൽ ആരോപിക്കുന്നു. അതിനിടെ, ഇംപീച്ച്മെന്‍റ് നടപടികളുമായി സഹകരിക്കില്ലെന്ന് ട്രംപും ട്വീറ്റ് ചെയ്തു.

2020ലെ ​പ്ര​സി​ഡ​ന്‍റ്​ തെ​ര​ഞ്ഞെ​ടു​പ്പി​ൽ റി​പ്ല​ബ്ലി​ക്ക​ൻ സ്​​ഥാ​നാ​ർ​ഥി​യാ​യി രം​ഗ​ത്തു​വ​ന്ന മു​ൻ വൈ​സ് പ്ര​സി​ഡ​ന്‍റ്​ ജോ ​ബൈ​ഡ​നും മ​ക​നു​മെ​തി​രെ അ​ന്വേ​ഷ​ണം പ്ര​ഖ്യാ​പി​ക്കാ​ൻ ഭ​ര​ണ​കൂ​ട സ്വാ​ധീ​നം ഉ​പ​യോ​ഗി​ച്ച്​ യു​ക്രെ​യ്​​ൻ സ​ർ​ക്കാ​റി​നു മേ​ൽ സ​മ്മ​ർ​ദം ചെ​ലു​ത്തി​യെ​ന്ന ആ​രോ​പ​ണ​ത്തി​ലാ​ണ് ട്രം​പ് ഇം​പീ​ച്ച്മെന്‍റ്​ വി​ചാ​ര​ണ നേ​രി​ടു​ന്ന​ത്.

പ്ര​തി​നി​ധി​സ​ഭ​യാ​ണ്​ ആ​ദ്യം കു​റ്റ​പ​ത്രം പ​രി​ഗ​ണി​ക്കു​ക. സ​ഭ അം​ഗീ​ക​രി​ച്ചാ​ൽ ഉ​ന്ന​ത സ​ഭ​യാ​യ സെ​ന​റ്റി​ലേ​ക്ക്. സെ​ന​റ്റ്​ അം​ഗ​ങ്ങ​ൾ ജ്യൂ​റി​യും തെ​ര​ഞ്ഞെ​ടു​ക്കപ്പെട്ട പ്ര​തി​നി​ധി സ​ഭാം​ഗ​ങ്ങ​ൾ പ്രോ​സി​ക്യൂ​ട്ട​ർ​മാ​രു​മാ​കും. സെനറ്റ്​ കോടതിമുറിയായി മാറുന്നതോടെ മേ​ൽ​നോ​ട്ടം സു​പ്രീം​കോ​ട​തി ചീ​ഫ്​ ജ​സ്​​റ്റി​സി​നാ​കും. മൂ​ന്നി​ൽ ര​ണ്ട്​ ഭൂ​രി​പ​ക്ഷ​ത്തോ​ടെ ട്രം​പി​നെ കു​റ്റ​ക്കാ​ര​നാ​യി സെ​ന​റ്റ്​ വി​ധി​യെ​ഴു​തി​യാ​ൽ അ​ദ്ദേ​ഹം പു​റ​ത്തു​ പോ​കേ​ണ്ടി​വ​രും. എ​ല്ലാ ആ​രോ​പ​ണ​ങ്ങ​ളും ത​ള്ളി​യാ​ൽ കു​റ്റ​മു​ക്​​ത​നാ​കും.

യു.​എ​സ്​ ച​രി​ത്ര​ത്തി​ൽ നാ​ലാം ത​വ​ണ​യാ​ണ്​ പ്ര​സി​ഡ​ന്‍റിനെ​തി​രെ ഇം​പീ​ച്ച്​​മെന്‍റ്​ ന​ട​ക്കു​ന്ന​ത്. വി​ചാ​ര​ണ​ക്കൊ​ടു​വി​ൽ മൂ​ന്നി​ൽ ര​ണ്ടു ഭൂ​രി​പ​ക്ഷ​ത്തോ​ടെ പാ​സാ​യാ​ൽ ആ​ദ്യ​മാ​യി ഇം​പീ​ച്ച്​​മെന്‍റ്​ വ​ഴി പു​റ​ത്താ​കു​ന്ന പ്ര​സി​ഡ​ന്‍റാകും ട്രം​പ്.