Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_rightഅമേരിക്കൻ വിമാനങ്ങൾ...

അമേരിക്കൻ വിമാനങ്ങൾ പാക്​ വ്യേമപാത ഉപയോഗിക്കരുതെന്ന്​ യു.എസ്​

text_fields
bookmark_border
അമേരിക്കൻ വിമാനങ്ങൾ പാക്​ വ്യേമപാത ഉപയോഗിക്കരുതെന്ന്​ യു.എസ്​
cancel

വാഷിങ്​ടൺ: അമേരിക്കൻ വിമാന കമ്പനികൾ പാകിസ്​താൻ വ്യോമപാത ഉപയോഗിക്കരുതെന്ന​ നിർദേശവുമായി യു.എസ്​ ഫെഡറൽ ഏവിയേഷൻ അഡ്​മിനിസ്​ട്രേഷൻ. ​തീവ്രവാദ ഭീഷണിയുള്ളതിനാൽ യു.എസ്​ വിമാനങ്ങൾ പാക് വ്യോമപാതയിലൂടെ പറക്കരുതെന്നാണ്​ നിർദേശം.

പാകിസ്താൻ കേന്ദ്രീകരിച്ച് പ്രവർത്തിക്കുന്ന ഭീകര സംഘടനകൾ യു.എസ് വിമാനങ്ങളെ ലക്ഷ്യം വെച്ചേക്കാമെന്ന്​ യു.എസ്​ ഫെഡറൽ ഏവിയേഷൻ അഡ്​മിനിസ്​ട്രേഷൻ പുറത്തുവിട്ട പ്രസ്താവനയിൽ പറയുന്നു. വിഷയത്തിൽ യു.എസ്​ വിമാന കമ്പനികൾക്കും യു.എസ്​ ആസ്ഥാനമായി പ്രവർത്തിക്കുന്ന പൈലറ്റ്​ മാർക്കും എഫ്​.എ.എ നോട്ടീസ്​ അയച്ചിട്ടുണ്ട്​.

പാകിസ്താനിലെ ഭീകരരുടെ പ്രവർത്തനങ്ങൾ വർധിച്ച സാഹചര്യത്തിൽ വാണിജ്യാടിസ്ഥാനത്തിൽ സർവീസ്​ നടത്തുന്ന വിമാനങ്ങളും യു.എസ്​ സ്​റ്റേറ്റ്​ വിമാനങ്ങളും പാക് വ്യോമാതിർത്തി ഒഴിവാക്കി യാത്ര ചെയ്യണമെന്നാണ്​ നിർദേശം. പാക് വ്യോമാതിർത്തി വഴി സഞ്ചരിക്കുമ്പോൾ ജാഗ്രത പുലർത്താനും നിർദേശിച്ചിട്ടുണ്ട്.

യു.എസ്​ വിമാനങ്ങൾ ലക്ഷ്യമിട്ട്​ പാക്​ വിമാനത്താവളങ്ങളിൽ ആക്രമണമുണ്ടാകാൻ സാധ്യതയുണ്ട്​. വിമാനം താഴ്​ന്നു പറക്കുന്ന അവസ്ഥയിലോ, വിമാനം ഇറക്കു​കയോ പറന്നുയരു​കയോ ചെയ്യുന്ന ഘട്ടത്തിലോ ആക്രമണ സാധ്യതയുണ്ടെന്നും നോട്ടീസിൽ പറയുന്നു.

പാകിസ്​താൻ ആസ്ഥാനമായി പ്രവർത്തിക്കുന്ന ഭീകരർ യു.എസ്​ വിമാനങ്ങളെ ലക്ഷ്യം വെച്ച്​ ചെറു വ്യോമ ആയുധങ്ങൾ ഉപയോഗിച്ചോ, ആൻറി എയർക്രാഫ്​റ്റ്​ ഫയർ തുടങ്ങിയ വ്യോമആയുധങ്ങൾ ഉപയോഗിച്ചോ ആക്രമണം നടത്തിയേക്കാമെന്നും നോട്ടീസിൽ സൂചിപ്പിക്കുന്നു. പാകിസ്​താനിൽ നിന്ന്​ ഏതെങ്കിലും തരത്തിലുള്ള സുരക്ഷാ ഭീഷണിയോ വീഴ്​ചകളോ ​പൈലറ്റുമാർ റിപ്പോർട്ട്​ ചെയ്യണമെന്നും നിർദേശമുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:usMilitantsindia newsPakistan airspaceair carriers
News Summary - US warns air carriers to avoid Pakistan airspace, cites threat by militants - India news
Next Story