You are here

വെ​സ്​​റ്റ്​​ബാ​ങ്കി​ലെ ഇ​സ്രായേൽ കു​ടി​യേ​റ്റത്തിന്​ യു.​എ​സ്​ പി​ന്തു​ണ

  • കീഴ്​വഴക്കം ലംഘിച്ച്​ ട്രംപ്​ ഭരണകൂടം

10:40 AM
19/11/2019
mike-pompeo

വാ​ഷി​ങ്ട​ൺ: കാ​ല​ങ്ങ​ളാ​യി തു​ട​ർ​ന്നു പോ​ന്ന കീ​ഴ്​​വ​ഴ​ക്ക​ങ്ങ​ൾ പ​ഴ​ങ്ക​ഥ​യാ​ക്കി, അ​ധി​നി​വി​ഷ്​​ട വെ​സ്​​റ്റ്​ ബാ​ങ്കി​ൽ അ​ന​ധി​കൃ​ത കു​ടി​യേ​റ്റ​ഭ​വ​ന​ങ്ങ​ൾ​ക്ക്​ നി​ർ​മി​ക്കു​ന്ന ഇ​സ്രാ​യേ​ലി​ന്​ യു.​എ​സ്​ പി​ന്തു​ണ. വെ​സ്​​റ്റ്​ ​ബാ​ങ്കി​ൽ അ​ന​ധി​കൃ​ത കു​ടി​യേ​റ്റം വ്യാ​പി​പ്പി​ക്കാ​നു​ള്ള ഇ​സ്രാ​യേ​ലി​ന്​ ക​രു​ത്തു​പ​ക​രു​ന്ന​താ​ണ്​ യു.​എ​സി​​െൻറ ന​യ​മാ​റ്റം. വെ​സ്​​റ്റ്​ ബാ​ങ്ക്​ ഉ​ൾ​പ്പെ​ടെ സ്വ​ന്ത​മാ​യി രാ​ജ്യ​മെ​ന്ന ഫ​ല​സ്​​തീ​നി​ക​ളു​ടെ സ്വ​പ്​​ന​ത്തി​ന്​ ക​രി​നി​ഴ​ൽ വീ​ഴ്​​ത്തു​ന്ന തീ​രു​മാ​ന​മാ​ണി​ത്. വെ​സ്​​റ്റ്​ ബാ​ങ്കി​ലെ ഇ​​സ്രാ​യേ​ലി​​െൻറ ന​ട​പ​ടി നി​യ​മ​വി​രു​ദ്ധ​മാ​യി കാ​ണാ​നാ​വി​ല്ലെ​ന്നും അ​ധി​നി​വി​ഷ്​​​ട പ്ര​ദേ​ശ​ത്ത് താ​മ​സ​സ​മു​ച്ച​യം പ​ണി​യാ​നു​ള്ള അ​വ​കാ​ശ​ത്തെ ത​ള്ളി​ക്ക​ള​യാ​നാ​വി​ല്ലെ​ന്നും യു.​എ​സ് സ്​​റ്റേ​റ്റ് സെ​ക്ര​ട്ട​റി മൈ​ക്ക് പോം​പി​യോ വ്യ​ക്ത​മാ​ക്കി. യു.​എ​സി​​െൻറ നി​ല​പാ​ടി​നെ ത​ള്ളി​യ ഫ​ല​സ്തീ​ൻ വി​വാ​ദ പ്ര​സ്താ​വ​ന​യെ അ​പ​ല​പി​ച്ചു. അ​ന്താ​രാ​ഷ്​​ട്ര നി​യ​മ​ങ്ങ​ളെ ‍യു.​എ​സ് ത​ള്ളി പ​റ​ഞ്ഞി​രി​ക്കു​ക​യാ​ണെ​ന്ന് ഫ​ല​സ്തീ​ൻ പ്ര​സി​ഡ​ൻ​റ്​ മ​ഹ്​​മൂ​ദ് അ​ബ്ബാ​സി‍​െൻറ അ​ടു​ത്ത വൃ​ത്ത​ങ്ങ​ൾ പ്ര​തി​ക​രി​ച്ചു. 

അ​ന്താ​രാ​ഷ്​​ട്ര നി​യ​മ​ങ്ങ​ൾ​ക്കും സ​മാ​ധാ​ന​ത്തി​നും നീ​തി​ക്കു​മേ​റ്റ ക​ന​ത്ത തി​രി​ച്ച​ടി​യാ​ണ് യു.​എ​സി​​െൻറ ന​ട​പ​ടി​യെ​ന്നും പി.​എ​ൽ.​ഒ നേ​താ​വും ഫ​ല​സ്തീ​ൻ കൂ​ടി​യാ​ലോ​ച​ക​യു​മാ​യ ഹ​നാ​ൻ അ​ഷ്​​റ​വി പ്ര​തി​ക​രി​ച്ചു. ഈജിപ്​ത്​,ജോർഡൻ രാജ്യങ്ങളും യു.എസി​​െൻറ തീരുമാനത്തിൽ എതിർപ്പ്​ രേഖപ്പെടുത്തി. അ​തേ​സ​മ​യം, യു.​എ​സ്​ നി​ല​പാ​ടി​നെ ഇ​സ്രാ​യേ​ൽ കാ​വ​ൽ പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു സ്വാ​ഗ​തം ചെ​യ്തു. 
സെ​പ്​​റ്റം​ബ​റി​ൽ ന​ട​ന്ന തെ​ര​ഞ്ഞെ​ടു​പ്പി​ൽ വി​ജ​യി​ച്ചാ​ൽ ജൂ​ത​കു​ടി​യേ​റ്റം വ്യാ​പി​പ്പി​ക്കു​മെ​ന്നും വെ​സ്​​റ്റ്​​ബാ​ങ്ക്​ ഇ​സ്രാ​യേ​ലി​നോ​ട്​ കൂ​ട്ടി​ച്ചേ​ർ​ക്കു​മെ​ന്നും നെ​ത​ന്യാ​ഹു പ്ര​ഖ്യാ​പി​ച്ചി​രു​ന്നു.

എ​ന്നാ​ൽ, തെ​ര​ഞ്ഞെ​ടു​പ്പി​ൽ ഒ​രു​ക​ക്ഷി​ക്കും ഭൂ​രി​പ​ക്ഷം ല​ഭി​ക്കാ​ത്ത​തി​നാ​ൽ രാ​ഷ്​​ട്രീ​യ​മാ​യി നി​​ശ്ച​ലാ​വ​സ്ഥ​യി​ലാ​ണ്​ ഇ​​സ്രാ​യേ​ൽ. വെ​സ്​​റ്റ്​ ബാ​ങ്കി​ൽ ഇ​സ്രാ​യേ​ൽ ന​ട​ത്തി​യ അ​ധി​നി​വേ​ശം ജ​നീ​വ ക​രാ​റി‍​െൻറ ലം​ഘ​ന​മാ​യാ​ണ് ഐ​ക്യ​രാ​ഷ്​​ട്ര​സ​ഭ ക​ണ​ക്കാ​ക്കു​ന്ന​ത്. വെ​സ്​​റ്റ്​ ബാ​ങ്കി​ലും കി​ഴ​ക്ക​ൻ ജ​റൂ​സ​ല​മി​ലും ഇ​സ്രാ​യേ​ൽ ന​ട​ത്തി​യ അ​ധി​നി​വേ​ശ​ത്തെ നേ​ര​ത്തേ യു.​എ​സ്​ പി​ന്തു​ണ​ച്ചി​രു​ന്നി​ല്ല. 40 വ​ർ​ഷ​മാ​യി തു​ട​രു​ന്ന നി​ല​പാ​ടി​ൽ​നി​ന്നു​ള്ള പ്ര​ക​ട​മാ​യ വ്യ​തി​യാ​ന​മാ​ണ് ട്രം​പ് ഭ​ര​ണ​കൂ​ട​ത്തി​േ​ൻ​റ​ത്. 

ഫ​ല​സ്തീ​ൻ പ്ര​ദേ​ശ​ത്ത് ഇ​സ്രാ​യേ​ൽ പാ​ർ​പ്പി​ട​ങ്ങ​ൾ നി​ർ​മി​ച്ച​ത് അ​ന്താ​രാ​ഷ്​​ട്ര നി​യ​മ​ങ്ങ​ൾ​ക്കു​വി​രു​ദ്ധ​മാ​ണെ​ന്നാ​ണ് 1978 മു​ത​ൽ യു.​എ​സ്​ പി​ന്തു​ട​രു​ന്ന ന​യം. യു.​എ​സി​​െൻറ ന​യ​മാ​റ്റം പ്ര​തീ​ക്ഷി​ച്ചി​രു​ന്ന​താ​ണെ​ന്ന്​ ഗ​താ​ഗ​ത മ​ന്ത്രി ബെ​റ്റ്​​സ​ലോ​ൽ സ്​​മോ​ട്രി​ച്ച്​ പ്ര​തി​ക​രി​ച്ചു. ഫ​ല​സ്​​തീ​ൻ-​ഇ​സ്രാ​യേ​ൽ വി​ഷ​യ​ത്തി​ൽ നാ​ളി​തു​വ​രെ​യാ​യി പി​ന്തു​ട​ർ​ന്നി​രു​ന്ന ന​യ​ങ്ങ​ൾ ഒ​ന്നൊ​ന്നാ​യി കാ​റ്റി​ൽ​പ​റ​ത്തു​ക​യാ​ണ്​ ട്രം​പ്​ ഭ​ര​ണ​കൂ​ടം. ജ​റൂ​സ​ലം ഇ​സ്രാ​യേ​ൽ ത​ല​സ്ഥാ​ന​മാ​യി അം​ഗീ​ക​രി​ച്ച​തും യു.​എ​സ്​ എം​ബ​സി തെ​ൽ​അ​വീ​വി​ൽ​നി​ന്ന്​ മാ​റ്റി​യ​തും അ​തി​​െൻറ ഭാ​ഗ​മാ​ണ്. 

Loading...
COMMENTS