എച്ച്-1ബി വിസാ: അപേക്ഷ ഫീസ് ഉയർത്താൻ യു.എസ്; ഇന്ത്യൻ ഐ.ടി മേഖലക്ക് തിരിച്ചടി
text_fields
വാഷിങ്ടൺ: എച്ച്-1ബി വിസാ അപേക്ഷകൾക്കുള്ള നിരക്ക് ഉയർത്താൻ യു.എസ് നീക്കം തുടങ്ങിയതായി റിപ്പോർട്ട്. അമേരിക ്കയിലെ യുവാക്കൾക്ക് സാങ്കേതിക മേഖലയിൽ കൂടുതൽ പരിശീലനം നൽകുന്നതിനായി പണം കണ്ടെത്താനാണ് യു.എസ് നിരക്ക് ഉയ ർത്താൻ തീരുമാനിച്ചിരിക്കുന്നത്. യു.എസ് തൊഴിൽ സെക്രട്ടറി അലക്സാണ്ടർ അകോസ്റ്റയാണ് നിരക്ക് ഉയർത്തുമെന്ന് സൂചന നൽകിയത്.
2020 സാമ്പത്തിക വർഷത്തിൻെറ തുടക്കത്തിൽ നിരക്ക് ഉയർത്തൽ പ്രാബല്യത്തിൽ വരുത്താനുള്ള നീക്കങ്ങളാണ് ഇപ്പോൾ നടക്കുന്നത്. എന്നാൽ, നിരക്ക് എത്രത്തോളം ഉയർത്തുമെന്നതിനെ കുറിച്ചുള്ള സൂചനകൾ പുറത്ത് വന്നിട്ടില്ല. ഇന്ത്യൻ ഐ.ടി മേഖലക്ക് കനത്ത തിരിച്ചടി നൽകുന്നതാണ് യു.എസ് തീരുമാനം. ഇന്ത്യയിൽ നിന്ന് അമേരിക്കയിലേക്ക് കുടിയേറുന്ന ഐ.ടി ജീവനക്കാരിൽ ഭൂരിപക്ഷവും എച്ച്-1ബി വിസ ഉപയോഗിച്ചാണ് യു.എസിലെത്തുന്നത്.
യു.എസ് കമ്പനികൾ വിദേശികളെ ജോലിക്ക് നിയമിക്കുന്നത് എച്ച്-1 ബി വിസയുടെ അടിസ്ഥാനത്തിലാണ്. നേരത്തെ തന്നെ എച്ച്-1 ബി വിസക്ക് യു.എസ് കടുത്ത നിയന്ത്രണങ്ങൾ ഏർപ്പെടുത്തിയിരുന്നു. രാജ്യത്തെ തൊഴിലുകൾ സംരക്ഷിക്കുന്നതിൻെറ ഭാഗമായിട്ടായിരുന്നു നീക്കം.
