റഷ്യൻ മിസൈൽ ക​രാ​റി​ൽ​നി​ന്ന്​ യു.എസ്​ പി​ൻ​മാറി

വാ​ഷി​ങ്​​ട​ൺ: ശീതയുദ്ധകാലത്ത്​ സോ​വി​യ​റ്റ്​ യൂ​നി​യ​നു​മാ​യി ഒ​പ്പു​വെ​ച്ച െഎ.​എ​ൻ.​എ​ഫ്​ മിസൈൽ ക​രാ​റി​ൽ​നി​ന്ന്​ (ഇ​ൻ​റ​ർ​മീ​ഡി​യ​റ്റ്​ റേ​​ഞ്ച്​ ന്യൂ​ക്ലി​യ​ർ ​ഫോ​ഴ്​​സ​സ് ​ട്രീ​റ്റി) പി​ൻ​വാ​ങ്ങാ​ൻ യു.​എ​സ്​ തീരുമാനിച്ചു. ക​രാ​ർ വ്യ​വ​സ്​​ഥ​ക​ൾ റ​ഷ്യ ലം​ഘി​ച്ചുവെ​ന്നാ​രോ​പി​ച്ചാ​ണ്​ ട്രം​പ്​ ഭ​ര​ണ​കൂ​ട​ത്തി​​​െൻറ നീ​ക്കം. കരാർ പിൻമാറ്റം ഇന്നു മുതൽ പ്രാബല്യത്തിലാവുമെന്ന്​ യു.എസ്​ പ്രസിഡൻറ്​ ഡോണൾഡ്​ ട്രംപ്​ അറിയിച്ചു. റഷ്യ ലംഘനം തുടർന്ന സാഹചര്യത്തിൽ 30 വർഷമായി യു.എസ്​ കരാർ പൂർണമായും പാലിച്ചതായി അദ്ദേഹം ചൂണ്ടിക്കാട്ടി. യു.എസ്​ വിദേശകാര്യ സെക്രട്ടറി മൈക്​ പോംപിയോ ആണ്​ പിൻമാറ്റം ആദ്യം പ്രഖ്യാപിച്ചത്​.

ആ​ണ​വ​രാ​ജ്യ​ങ്ങ​ൾ​ക്കി​ട​യി​ൽ പു​തി​യ ആ​യു​ധ​മ​ത്സ​ര​ത്തി​നു കാ​ര​ണ​മാ​കും ഇ​തെ​ന്നാ​ണ്​ വി​ല​യി​രു​ത്ത​ൽ. റ​ഷ്യ​യു​ടെ മി​സൈ​ൽ നി​ർ​മാ​ണ​ത്തെ ചൊ​ല്ലി​ ദീ​ർ​ഘ​കാ​ല​മാ​യി യു.​എ​സ്​ ക​ല​ഹി​ക്കു​ക​യാ​ണ്. 500 മു​ത​ൽ 5500 കി​ലോ മീ​റ്റ​ർ വ​രെ പ്രഹരശേഷിയുള്ള, ക​ര​യി​ൽ​നി​ന്ന്​ വി​ക്ഷേ​പി​ക്കാ​വു​ന്ന ക്രൂ​സ്​ മി​സൈ​ലു​ക​ൾ നി​ർ​മി​ക്കാ​ൻ പാ​ടി​ല്ലെ​ന്നാ​ണ്​ കരാർ വ്യ​വ​സ്​​ഥ. അ​ത്​ പാ​ലി​ക്കാ​ൻ റ​ഷ്യ ത​യാ​റാ​കു​​ന്നി​ല്ലെ​ന്നാ​ണ്​ യു.​എ​സി​​​െൻറ ആ​രോ​പ​ണം. വ്യ​വ​സ്​​ഥ​ക​ൾ പാ​ലി​ക്കാ​ൻ യു.​എ​സ്​ റ​ഷ്യ​ക്ക്​ ക​ഴി​ഞ്ഞ ഡി​സം​ബ​റി​ൽ 60 ദി​വ​സ​ത്തെ സ​മ​യം അ​നു​വ​ദി​ച്ചി​രു​ന്നു. ഇ​ന്നാ​ണ്​ സ​മ​യ​പ​രി​ധി അ​വ​സാ​നി​ക്കു​ന്ന​ത്.

ക​രാ​ർ പിന്മാറ്റം യു.​എ​സും റ​ഷ്യ​യും ത​മ്മി​ലു​ള്ള ബ​ന്ധം കൂ​ടു​ത​ൽ മോ​ശ​മാ​ക്കും. കരാർ വിട്ടാലും വൻ തോതിൽ ആയുധങ്ങൾ നിർമിക്കാൻ റഷ്യയെ അനുവദിക്കില്ലെന്ന് യു.എസ്​ അറിയിച്ചു. ചൈ​ന ക​രാ​റി​ൽ ഒ​പ്പു​വെ​ക്കാ​ത്ത​തും യു.​എ​സി​െ​ന പ്ര​കോ​പി​പ്പി​ക്കു​ന്നു​ണ്ട്. ക​രാ​റി​​​െൻറ ഭാ​ഗ​മാ​വാ​ത്ത​തി​നാ​ൽ വി​വി​ധ പ​രി​ധി​യി​ലു​ള്ള മി​സൈ​ലു​ക​ൾ നി​ർ​മി​ച്ച്​ ഏ​ഷ്യ​യി​ലെ ഏ​റ്റ​വും വ​ലി​യ സൈ​നി​ക ശ​ക്തി​യാ​കാ​ൻ ചൈ​ന​ക്കു സാ​ധി​ക്കു​ന്നു​വെ​ന്നാ​ണ്​ യു.​എ​സി​​​െൻറ വാ​ദം. ക​രാ​റി​ൽ​നി​ന്ന്​ പി​ൻ​വാ​ങ്ങു​ന്ന​തോ​ടെ ഇ​ത്ത​രം മി​സൈ​ലു​ക​ൾ നി​ർ​മി​ച്ച്​ ചൈ​ന​യു​ടെ ഭീ​ഷ​ണി ത​ടു​ക്കാ​മെ​ന്നാ​ണ്​ ക​ണ​ക്കു​കൂ​ട്ട​ൽ.

ഹ്ര​സ്വ-​മ​ധ്യ​ദൂ​ര മി​സൈ​ലു​ക​ൾ നി​ർ​മി​ക്കു​ന്ന​ത്​ ത​ട​യു​ന്ന​ത്​ ല​ക്ഷ്യം വെ​ച്ച്​ 1987 ഡി​സം​ബ​ർ എ​ട്ടി​ന്​ യു.​എ​സ്​ പ്ര​സി​ഡ​ൻ​റാ​യി​രു​ന്ന റൊ​ണാ​ൾ​ഡ്​ റീ​ഗ​നും സോ​വി​യ​റ്റ്​ യൂ​നി​യ​ൻ നേതാവ്​ മി​ഖാ​യേ​ൽ ഗോ​ർ​ബ​ച്ചേ​വും ആ​ണ്​ ക​രാ​ർ ഒ​പ്പു​വെ​ച്ച​ത്. 1988 ജൂ​ണി​ൽ ക​രാ​ർ പ്രാ​ബ​ല്യ​ത്തി​ലാ​യി. വ്യ​വ​സ്​​ഥകൾ പാ​ലി​ക്കു​ന്നി​ല്ലെ​ന്നു ചൂ​ണ്ടി​ക്കാ​ട്ടി 2018 ഡി​സം​ബ​റി​ൽ പി​ൻ​മാ​റു​ക​യാ​ണെ​ന്ന്​ ട്രം​പ്​ മു​ന്ന​റി​യി​പ്പു ന​ൽ​കി​യതാണ്​.2014ൽ റഷ്യ ​െഎ.എൻ.എഫ്​ കരാർ ലംഘിച്ചുവെന്ന്​ ആരോപിച്ച്​ ഒബാമ ഭരണകൂടം രംഗത്തെത്തിയിരുന്നു. യൂറോപ്യൻ യൂനിയ​​​െൻറ സമ്മർദ്ദത്തെ തുടർന്നാണ്​ അന്ന്​ കരാറിൽ നിന്ന്​ പിൻമാറാതിരുന്നത്​.