കോവിഡ് പ്രതിരോധം; ഇന്ത്യക്ക് 29 ലക്ഷം ഡോളർ യു.എസ് സഹായം

വാഷിങ്ടൺ: കോവിഡ് 19 പ്രതിരോധ പ്രവർത്തനങ്ങൾക്കായി വിവിധ രാജ്യങ്ങൾക്ക് 17.4 കോടി ഡോളർ സാമ്പത്തിക സഹായം പ്രഖ്യാപിച്ച് യു.എസ്. ഇന്ത്യക്ക് 29 ലക്ഷം ഡോളർ സഹായമാണ് പ്രഖ്യാപിച്ചത്.

കോവിഡ് ഭീഷണി ഏറ്റവും അധികം നേരിടുന്ന 64 രാജ്യങ്ങൾക്കായാണ് യു.എസ് സഹായം പ്രഖ്യാപിച്ചത്. ഫെബ്രുവരിയിൽ പ്രഖ്യാപിച്ച 10 കോടി ഡോളറിന്‍റെ സഹായത്തിന് പുറമേയാണിത്.

ഇന്ത്യയിൽ ലബോറട്ടറി സംവിധാനങ്ങൾ, രോഗബാധിതരെ കണ്ടെത്താനുള്ള സംവിധാനങ്ങൾ, സാങ്കേതിക സഹായം എന്നിവക്കായാണ് തുക നൽകുന്നത്.