യു.എസിൽ അനധികൃത കുടിയേറ്റക്കാർക്കെതിരെ നടപടി തുടങ്ങി

വാഷിങ്​ടൺ: അമേരിക്കയിൽ ഡോണാൾഡ്​ ട്രംപ്​ അധികാരത്തിൽ എത്തിയ ശേഷം കുടിയേറ്റക്കാർക്കെതിരെ നടപടി തുടങ്ങി. രേഖകളില്ലാതെ അമേരിക്കയിൽ കുടിയേറിയ നൂറുകണക്കിനു പേരെ അധികൃതർ അറസ്​റ്റ്​ ചെയ്​തു. ഇമി​േ​ഗ്രഷൻ ആൻഡ്​ കസ്​റ്റംസ്​ എൻ​േഫാഴ്​സ്​മ​െൻറ്​ ഏജൻസി ഇൗ ആഴ്​ചയിൽ നടത്തിയ വ്യാപക പരിശോധനയിലാണ്​ അറസ്​റ്റ്​ നടന്നത്​.

ലോസ്​ ഏഞ്ചൽസ്​, ന്യൂയോർക്ക്​, ചിക്കാഗോ, ഒാസ്​റ്റിൻ, അറ്റ്​ലാൻറ തുടങ്ങിയ വിവിധ നഗരങ്ങളിൽ നടത്തിയ പരിശോധനയിലാണ്​ അറസ്​റ്റ്​. രേഖകളില്ലാത്ത കുടിയേറ്റക്കാരെ നാടു കടത്തുന്നതു സംബന്ധിച്ച ഉത്തരവിൽ ഡോണാൾഡ്​ ട്രംപ്​ ഒപ്പുവച്ച്​ രണ്ടാഴ്​ചക്ക്​ ശേഷമാണ്​ നടപടി. പതിവ്​ പരിശോധനയുടെ ഭാഗമായാണ്​ നടപടിയെന്നാണ്​ അധികൃതർ പറയുന്നത്​.

ലോസ്​ ആഞ്ചൽസിൽ നിന്ന്​ മാത്രം 160ഒാളം പേരെ അറസ്​റ്റ്​ ചെയ്​തിട്ടുണ്ട്​. ഇതിൽ 75 ശതമാനവും മുമ്പ്​ കൊടിയ കുറ്റകൃത്യങ്ങളിൽ ഉൾപ്പെട്ടതിന്​​ അറസ്​റ്റിലായവരാ​െണന്നും കുറച്ച്​ പേർ മാത്രമാണ്​ രേഖകളില്ലാത്തതിന്​ പിടിയിലായതെന്നും പൊലീസ്​ അറിയിച്ചു. രേഖകളില്ലാത്ത 37 പേരെ വെള്ളിയാഴ്​ച രാത്രി മെക്​സിക്കോയിലേക്ക്​ തിരിച്ചയച്ചിരുന്നു. അനധികൃത കുടി​േയറ്റക്കാരെ തടയു​െമന്നത്​ ട്രംപി​​െൻറ തെരഞ്ഞെടുപ്പ്​ വാഗ്​ദാനമായിരുന്നു.