You are here

ഇറാൻ പ്രതിസന്ധി: ന്യു ജേഴ്​സി-മുംബൈ വിമാനത്തിൻെറ സർവീസ്​ നിർത്തി

09:55 AM
21/06/2019
united-airline-23

വാഷിങ്​ടൺ: അമേരിക്കയുടെ നിരീക്ഷക ഡ്രോൺ ഇറാൻ വെടിവെച്ചിട്ടതിന്​ പിന്നാലെ ന്യു ജേഴ്​സിയിലെ ന്യുവാർക്ക്​ വിമാനത്താവളത്തിൽ നിന്നും മുംബൈയിലേക്ക്​ പറന്നിരുന്ന യുണൈറ്റഡ്​ എയർലൈൻ വിമാനത്തിൻെറ സർവീസ്​ താൽകാലികമായി നിർത്തിവെച്ചു. ഇറാനിലെ സാഹചര്യങ്ങൾ വിലയിരുത്തിയതായും ഇതിൻെറ അടിസ്ഥാനത്തിലാണ്​ സർവീസ്​ നിർത്താൻ തീരുമാനിച്ചതെന്നും അധികൃതർ അറിയിച്ചു.

കഴിഞ്ഞ മാസം യു.എസ്​ ഫെഡറൽ എവിയേഷൻ ഉദ്യോഗസ്ഥർ ഇറാന്​ മുകളിലൂടെ സർവീസ്​ നടത്തുന്ന വിമാനങ്ങൾക്ക്​ മുന്നറിയിപ്പ്​ നൽകിയിരുന്നു. അമേരിക്ക-ഇറാൻ പ്രശ്​നങ്ങൾ വഷളായതിനെ തുടർന്നായിരുന്നു മുന്നറിയിപ്പ്​. ഇറാൻ വിമാനങ്ങൾ വെടിവെച്ചിടാൻ സാധ്യതയുണ്ടെന്ന സൂചനകളെ തുടർന്നാണ്​ നിലവിൽ ​നിയന്ത്രണം ഏർപ്പെടുത്താൻ യു.എസ്​ അധികൃതർ തീരുമാനിച്ചത്​. 

വ്യോ​മ​പ​രി​ധി ലം​ഘി​ച്ച യു.​എ​സ്​ നി​രീ​ക്ഷ​ണ ഡ്രോ​ൺ വെ​ടി​വെ​ച്ചി​ട്ട​താ​യി കഴിഞ്ഞ ദിവസം ഇ​റാ​ൻ റെ​വ​ലൂ​ഷ​ന​റി ഗാ​ർ​ഡ്​ അ​റി​യി​ച്ചിരുന്നു. ഡ്രോ​ൺ വെ​ടി​വെ​ച്ച സം​ഭ​വം പ​​െൻറഗണും സ്ഥിരീകരിച്ചിട്ടുണ്ട്​. എന്നാൽ, ഡ്രോൺ അതിർത്തി ലംഘിച്ചിട്ടില്ലെന്നാണ്​ യു.എസ്​ വാദം.

Loading...
COMMENTS