യു.എസ്​ തെരഞ്ഞെടുപ്പിലെ ഇട​െപടൽ; 12 റഷ്യക്കാർക്കെതിരെ കുറ്റം ചുമത്തി

വാ​ഷി​ങ്​​ട​ൺ: 2016ലെ ​യു.​എ​സ്​ പ്ര​സി​ഡ​ൻ​റ്​ തെ​ര​ഞ്ഞെ​ടു​പ്പി​െ​ല വി​ദേ​ശ ഇ​ട​പെ​ട​ൽ സം​ബ​ന്ധി​ച്ച കേ​സി​ൽ 12 റ​ഷ്യ​ൻ പൗ​ര​ന്മാ​​ർ​ക്കെ​തി​രെ കു​റ്റം ചു​മ​ത്തി. റോ​ബ​ർ​ട്ട്​ മ്യൂ​ള്ള​റി​​​െൻറ നേ​തൃ​ത്വ​ത്തി​ലു​ള്ള അ​ന്വേ​ഷ​ണ​സം​ഘ​മാ​ണ്​ കേ​സി​ൽ സു​പ്ര​ധാ​ന നീ​ക്കം ന​ട​ത്തി​യി​രി​ക്കു​ന്ന​ത്. യു.​എ​സ്​ പ്ര​സി​ഡ​ൻ​റ്​ ഡോ​ണ​ൾ​ഡ്​ ട്രം​പും റ​ഷ്യ​ൻ പ്ര​സി​ഡ​ൻ​റ്​ വ്ലാ​ദി​മി​ർ പു​ടി​നും തി​ങ്ക​ളാ​ഴ്​​ച ച​ർ​ച്ച​ ന​ട​ത്താ​നി​രി​ക്കെ, ന​ട​പ​ടി ഇ​രു​രാ​ജ്യ​ങ്ങ​ളും ത​മ്മി​ലു​ള്ള ബ​ന്ധ​ത്തി​ൽ വി​ള്ള​ൽ സൃ​ഷ്​​ടി​ക്കു​മെ​ന്ന്​ ആ​ശ​ങ്ക ഉ​യ​ർ​ന്നി​ട്ടു​ണ്ട്. എ​ന്നാ​ൽ, ച​ർ​ച്ച​യി​ൽ മാ​റ്റ​മി​ല്ലെ​ന്ന്​ വൈ​റ്റ്​ ഹൗ​സ്​ പ്ര​സ്​​താ​വ​ന​യി​ൽ പ​റ​ഞ്ഞു.

ട്രം​പി​​​െൻറ എ​തി​രാ​ളി​ക​ളാ​യ ഡെ​മോ​ക്രാ​റ്റ്​ പാ​ർ​ട്ടി നേ​താ​ക്ക​ളു​ടെ ഇ​മെ​യി​ലു​ക​ളും ക​മ്പ്യൂ​ട്ട​റു​ക​ളും ഹാ​ക്ക്​ ചെ​യ്​​ത കു​റ്റ​മാ​ണ്​ 12 പേ​ർ​ക്കെ​തി​രെ ചു​മ​ത്തി​യ​ത്. ജി.​ആ​ർ.​യു എ​ന്ന റ​ഷ്യ​ൻ ര​ഹ​സ്യാ​ന്വേ​ഷ​ണ ഏ​ജ​ൻ​സി​യി​ലെ അം​ഗ​ങ്ങ​ളാ​ണ്​ പ്ര​തി​പ്പ​ട്ടി​ക​യി​ൽ വ​ന്നി​രി​ക്കു​ന്ന​ത്.

റ​ഷ്യ​ൻ സേ​ന​യു​ടെ പ്ര​ധാ​ന ര​ഹ​സ്യാ​ന്വേ​ഷ​ണ വി​ഭാ​ഗ​ത്തി​​​െൻറ ഭാ​ഗ​മാ​യ ഏ​ജ​ൻ​സി​യാ​ണ്​ ജെ.​ആ​ർ.​യു. ഹി​ല​രി ക്ലി​ൻ​റ​​​െൻറ തെ​ര​ഞ്ഞെ​ടു​പ്പ്​ പ്ര​ചാ​ര​ണം ല​ക്ഷ്യം​വെ​ച്ചാ​ണ്​ ഹാ​ക്കി​ങ്​ ന​ട​ന്ന​തെ​ന്ന്​ യു.​എ​സ്​ നീ​തി​ന്യാ​യ വ​കു​പ്പ്​ വ​ക്​​താ​വ്​ പ​റ​ഞ്ഞു. എ​ന്നാ​ൽ, തെ​ര​ഞ്ഞെ​ടു​പ്പ്​ മാ​റ്റി​മ​റി​ക്കാ​നോ ഫ​ല​ത്തി​ൽ സ്വാ​ധീ​നം ചെ​ലു​ത്താ​നോ ഇ​വ​ർ​ക്ക്​ ക​ഴി​ഞ്ഞ​താ​യി ക​ണ്ടെ​ത്തി​യി​ട്ടി​ല്ലെ​ന്ന്​ പ്ര​സ്​​താ​വ​ന വ്യ​ക്​​ത​മാ​ക്കി. തെ​ര​ഞ്ഞെ​ടു​പ്പ്​ ഫ​ല​ത്തി​ൽ എ​ന്തെ​ങ്കി​ലും ഇ​ട​പെ​ട​ൽ ന​ട​ന്ന​താ​യി ഇ​തു​വ​രെ​യും ക​ണ്ടെ​ത്തി​യി​ട്ടി​ല്ലെ​ന്ന്​ വൈ​റ്റ്​​ഹൗ​സ്​ വ​ക്​​താ​വും പ്ര​സ്​​താ​വ​ന​യി​ൽ പ​റ​ഞ്ഞു.ഫി​ൻ​ലാ​ൻ​ഡിലെ ഹെ​ൽ​സി​ങ്കി​യി​ലാ​ണ്​ പു​ടി​നും ട്രം​പും കൂടിക്കാഴ്​ച നടത്തുന്നത്​.