Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_rightട്രംപിനെതിരായ...

ട്രംപിനെതിരായ ഇംപീച്ച്മെന്‍റ് പ്രമേയം സെനറ്റിൽ അവതരിപ്പിച്ചു VIDEO

text_fields
bookmark_border
senat
cancel

വാഷിങ്​ടൺ: യു.എസ് പ്രസിഡന്‍റ് ഡൊണൾഡ് ട്രംപിനെതിരായ ഇംപീച്ച്മെന്‍റ് പ്രമേയത്തിൽ ഉപരിസഭയായ സെനറ്റ് നടപടികൾ ത ുടങ്ങി. സ്പീക്കർ നാൻസി പെലേസി നിയോഗിച്ച ഏഴംഗ ഡെമോക്രാറ്റിക് പ്രതിനിധികൾ സെനറ്റിലെത്തി ട്രംപിനെതിരായ കുറ്റപത ്രം ഔദ്യോഗികമായി സമർപ്പിച്ചു. സെനറ്റ് ഇന്‍റലിജൻസ് കമ്മിറ്റി ചെയർമാൻ ആദം ഷേക്ക് ഉപരിസഭയിൽ പ്രമേയം അവതരിപ്പിച് ചു.

സുപ്രീംകോടതി ചീഫ് ജസ്റ്റിസ് ജോൺ റോബിൻസന്‍റെ അധ്യക്ഷതയിലായിരിക്കും വിചാരണ നടപടികൾ ആരംഭിക്കുക. ചീഫ് ജസ് റ്റിസും 99 സെനറ്റർമാരും ഇംപീച്ച്മെന്‍റ് നടപടിയുടെ ജൂറി അംഗങ്ങളായി സത്യപ്രതിജ്ഞ ചെയ്ത് സ്ഥാനമേറ്റു. തെ​ര​ഞ്ഞെ​ടു​ക്കപ്പെട്ട പ്ര​തി​നി​ധി സ​ഭാം​ഗ​ങ്ങ​ൾ പ്രോ​സി​ക്യൂ​ട്ട​ർ​മാ​രു​മാ​കും.

ജ​നു​വ​രി 21 മു​ത​ലാ​ണ്​ പ്രമേയത്തിൽ സെ​ന​റ്റി​ൽ​ ച​ർ​ച്ച ന​ട​ക്കു​ക. രണ്ടാഴ്ച നീളുന്ന വിചാരണക്ക് ശേഷം വോട്ടെടുപ്പ് നടക്കും. മൂ​ന്നി​ൽ ര​ണ്ട്​ ഭൂ​രി​പ​ക്ഷ​ത്തോ​ടെ ട്രം​പി​നെ കു​റ്റ​ക്കാ​ര​നാ​യി സെ​ന​റ്റ്​ വി​ധി​യെ​ഴു​തി​യാ​ൽ അ​ദ്ദേ​ഹം പു​റ​ത്തു​ പോ​കേ​ണ്ടി​വ​രും.

റിപ്പബ്ലിക്കൻ പാർട്ടിക്കാണ് സെനറ്റിൽ ഭൂരിപക്ഷമുള്ളത്. 100 അംഗ സെനറ്റിൽ 67 പേരുടെ പിന്തുണ വേണം പ്രമേയം പാസാകാൻ. എന്നാൽ, ഡെമോക്രാറ്റുകൾക്ക് 47 അംഗങ്ങൾ മാത്രമാണുള്ളത്. അതിനാൽ, പ്രമേയം പാസാകാൻ സാധ്യതയില്ല.

അധികാര ദുർവിനിയോഗം, കോൺഗ്രസ്​ നടപടികളെ തടസപ്പെടുത്തൽ എന്നീ കുറ്റങ്ങളുടെ പേരിൽ കഴിഞ്ഞ മാസമാണ്​ ട്രംപിനെ ജനപ്രതിനിധി സഭയായ കോൺഗ്രസ് ഇംപീച്ച്​ ചെയ്​തത്​.

2020ലെ ​പ്ര​സി​ഡന്‍റ്​ തെ​ര​ഞ്ഞെ​ടു​പ്പി​ൽ പ്രധാന എതിരാളിയായ മു​ൻ വൈ​സ് പ്ര​സി​ഡ​ന്‍റ് ജോ ​ബൈ​ഡ​നും മ​ക​നു​മെ​തി​രെ അ​ന്വേ​ഷ​ണം പ്ര​ഖ്യാ​പി​ക്കാ​ൻ ഭ​ര​ണ​കൂ​ട സ്വാ​ധീ​നം ഉ​പ​യോ​ഗി​ച്ച്​ യു​ക്രെ​യ്​​ൻ സ​ർ​ക്കാ​റി​നു മേ​ൽ സ​മ്മ​ർ​ദം ചെ​ലു​ത്തി​യെ​ന്ന ആ​രോ​പ​ണ​ത്തി​ലാ​ണ് ട്രം​പ് ഇം​പീ​ച്ച്മെന്‍റ് വി​ചാ​ര​ണ നേ​രി​ടു​ന്ന​ത്.

അമേരിക്കയുടെ 243 വർഷത്തെ ചരിത്രത്തിനിടെ ജനപ്രതിനിധി സഭ ഇംപീച്ച് ചെയ്യുന്ന മൂന്നാമത്തെ പ്രസിഡന്‍റ് ആണ് ട്രംപ്. 1868ൽ ആൻഡ്രു ജോൺസനെയും 1998ൽ ബിൽ ക്ലിന്‍റനെയും അമേരിക്കൻ കോൺഗ്രസ് ഇംപീച്ച്മെന്‍റ് ചെയ്തിരുന്നു. സെനറ്റ് പിന്നീട് കുറ്റവിമുക്തരാക്കിയതിനെ തുടർന്ന് ഇരുവരും പ്രസിഡന്‍റ് പദവിയിൽ തുടർന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:trump impeachment
News Summary - Trump's Impeachment: Trial Proceedings Have Begun in US Senat -World News
Next Story