ഇംപീച്​മെൻറ്​ വിചാരണക്ക്​ ട്രംപ്​ ഹാജരാകില്ലെന്ന്​ വൈറ്റ്​ഹൗസ്​

വാഷിങ്​ടൺ: ബുധനാഴ്​ച നടക്കുന്ന കുറ്റവിചാരണയിൽ (ഇംപീച്​മ​െൻറ്​) യു.എസ്​ പ്രസിഡൻറ്​ ഡോണൾഡ്​ ട്രംപോ അദ്ദേഹത്തി​​െൻറ വക്കീലോ പ​ങ്കെടുക്കില്ലെന്ന്​ വൈറ്റ്​ഹൗസ്​ വ്യക്തമാക്കി. വിചാരണ നീതിരഹിതവും അടിസ്​ഥാന നടപടിക്രമങ്ങൾ പാലിക്കാത്തതുമാണെന്ന്​ വൈറ്റ്​ഹൗസ്​ അഭിഭാഷകൻ പാറ്റ്​ സിപൊളൻ ആരോപിച്ചു. ട്രംപി​​െൻറ എതിരാളികളായ ​െഡമോക്രാറ്റുകൾക്ക്​ ഭൂരിപക്ഷമുള്ള യു.എസ്​ ജനപ്രതിനിധി സഭയുടെ ജുഡീഷ്യറി കമ്മിറ്റിയുടെ നേതൃത്വത്തിലാണ്​ ബുധനാഴ്​ച​ ഇംപീച്​മ​െൻറ്​ നടപടികളുടെ അടുത്തഘട്ടം തുടങ്ങുന്നത്​.

ജുഡീഷ്യറി കമ്മിറ്റി ചെയർമാൻ ജെറോൾഡ്​ നാദ്​ലർക്ക്​ അയച്ച കത്തിലാണ്​ സിപൊളൻ ഇക്കാര്യം വ്യക്തമാക്കിയത്​. ലണ്ടനിൽ നാറ്റോ യോഗത്തിൽ സംബന്ധിക്കുന്നതിനായി ട്രംപ്​ രാജ്യത്തിന്​ പുറത്തുപോകുന്ന സമയംനോക്കി ബോധപൂർവമാണ്​ വിചാരണ തീയതി നിശ്ചയിച്ചതെന്നും അദ്ദേഹം ആരോപിച്ചു.

ബുധനാഴ്​ചത്തെ വിചാരണക്ക്​ ഹാജരാവുകയോ വക്കീലിനെ ഏർപ്പെടുത്തുകയോ ചെയ്യുന്ന കാര്യം ഞായറാഴ്​ച വൈകുന്നേരത്തിനകം അറിയിക്കണമെന്ന ജുഡീഷ്യറി കമ്മിറ്റിയുടെ നിർദേശത്തോടുള്ള പ്രതികരണമാണ്​ അഭിഭാഷക​ൻ വ്യക്തമാക്കിയത്​. കൂടാതെ രണ്ടാംഘട്ട വിചാരണക്ക്​ ട്രംപ്​ ഹാജരാകുന്നത്​ സംബന്ധിച്ച് വിവരമറിയിക്കാനുള്ള സമയപരിധി വെള്ളിയാഴ്​ചയാണ്​. ഇക്കാര്യത്തിൽ വൈറ്റ്​ഹൗസ്​ പ്രത്യേകമായി പ്രതികരിക്കുമെന്ന്​ അഭിഭാഷകൻ അറിയിച്ചു.

2020 പ്രസിഡൻറ്​ തെരഞ്ഞെടുപ്പിലെ പ്രധാന എതിരാളിയായ ജോ ബൈഡനെതിരെ അഴിമതിക്കേസിൽ​ അ​േന്വഷണം ​പ്രഖ്യാപിക്കാൻ യുക്രെയ്​ൻ പ്രസിഡൻറ്​ വ്​ളാദിമിർ സെലൻസ്​കിക്ക്​ മേൽ ​ട്രംപ്​ സമ്മർദം ചെലുത്തിയെന്ന ആരോപണവുമായി ബന്ധപ്പെട്ടാണ്​ ഇംപീച്​മ​െൻറ്​. സമ്മർദത്തി​​െൻറ ഭാഗമായി യുക്രെയിനുള്ള യു.എസ്​ സൈനിക സഹായം തടഞ്ഞുവെച്ചെന്ന ആരോപണം തെളിയിക്കുകയാണ്​ ഇംപീച്​മ​െൻറ്​ നടപടികൾ വഴി ​െഡമോക്രാറ്റുകൾ ലക്ഷ്യമിടുന്നത്​.