You are here

യു.എസ്​ ഉൽപന്നങ്ങൾക്ക്​ ഏർപ്പെടുത്തിയ അധിക തീരുവ ചൈന പിൻവലിക്കണം -ട്രംപ്​

08:24 AM
02/03/2019

വാഷിങ്​ടൺ: അമേരിക്കൻ കാർഷിക ഉൽപന്നങ്ങൾക്ക്​ ചൈന ഏർപ്പെടുത്തിയ അധിക തീരുവ ഉടൻ പിൻവലിക്കണമെന്ന്​ യു.എസ്​ പ്രസിഡൻറ്​ ഡോണൾഡ്​ ട്രംപ്​. ബീഫ്​, പന്നിയിറച്ചി തുടങ്ങിയ ഉൽപന്നങ്ങൾക്ക്​ ഏർപ്പെടുത്തിയ അധിക തീരുവ പിൻവലിക്കണമെന്നാണ്​ ട്രംപി​​െൻറ ആവശ്യം. 

അമേരിക്കയും ചൈനയും തമ്മിലുള്ള വ്യാപാര മേഖലയിലെ പ്രശ്​നങ്ങൾ പരിഹരിക്കുന്നതിനുള്ള ചർച്ചകളുമായി രാജ്യം മുന്നോട്ട്​ പോവുകയാണ്​. ഇൗയൊരു സാഹചര്യത്തിൽ അമേരിക്കൻ കാർഷിക ഉൽപന്നങ്ങൾക്ക്​ ഏർപ്പെടുത്തിയ അധിക തീരുവ ചൈന പിൻവലിക്കണം. മാർച്ച്​ ഒന്ന്​ മുതൽ ചൈനീസ്​ ഉൽപന്നങ്ങൾക്ക്​ അധിക തീരുവ ഏർപ്പെടുത്താനുള്ള തീരുമാനത്തിൽ താൽകാലികമായി പിൻമാറുകയാണെന്നും ട്രംപ്​ വ്യക്​തമാക്കി.

അതേസമയം, ചൈനയുമായുള്ള ചർച്ചകളിൽ ആശാവഹമായ പുരോഗതിയുണ്ടെന്ന്​ ട്രംപി​​െൻറ സാമ്പത്തിക ഉപദേഷ്​ടാവ്​ വ്യക്​തമാക്കി. ചൈനീസ്​ അധികൃതരുമായും പ്രസിഡൻറ്​ ഷീ ജിങ്​ പിങ്ങുമായും ഇനിയും ചർച്ചകൾ നടത്തുമെന്നും അമേരിക്ക അറിയിച്ചു.

Loading...
COMMENTS