ഹസ്​തദാനത്തിന്​ പെലോസി കൈ നീട്ടി; മുഖം തിരിച്ച്​ ട്രംപ്​

വാഷിങ്​ടൺ: ഇംപീച്ച്​ നടപടികളിൽ ബുധനാഴ്​ച സെനറ്റിൽ വേ​ട്ടെടുപ്പ്​ നടക്കാനിരിക്കെ യു.എസ്​ പ്രസിഡൻറ്​ ഡോണൾഡ് ​ ട്രംപും ഡെമോക്രാറ്റുകളും തമ്മിലെ അഭിപ്രായ ഭിന്നത മറ നീക്കി പുറത്തു വന്നു.

മൂന്നാമത്​ സ്​റ്റേറ്റ്​ യൂണി യൻ പ്രസംഗത്തിന്​ മുമ്പ്​ യു.എസ്​ പ്രതിനിധി സഭ സ്പീക്കർ നാൻസി പെലോസിയെ പ്രസിഡൻറ്​ പരസ്യമായി അവഹേളിക്കുകയായിര ുന്നു​. ട്രംപിനെതിരായ ഇംപീച്ച്​മ​െൻറ്​ നടപടിക്ക്​ അനുമതി നൽകിയത്​ ഡെമോക്രാറ്റ്​ പാർട്ടി നേതാവായ നാൻസി പെലോസിയായിരുന്നു.

ട്രംപിൽ നിന്ന്​​ പ്രസംഗത്തിൻെറ പകർപ്പ്​ സ്വീകരിച്ച ശേഷം ഹസ്​തദാനത്തിന്​ പൊലോസി കൈ നീട്ടിയെങ്കിലും ട്രംപ്​ കണ്ട ഭാവം നടിക്കാതെ മുഖം തിരിക്കുകയായിരുന്നു. ഉടനെ തന്നെ നീട്ടിയ കൈ പെലോസി പിൻവലിച്ചു.

President Trump declines to shake Speaker Pelosi's outstretched hand at #SOTU2020 pic.twitter.com/oB7suIxNPT

— Reuters (@Reuters) February 5, 2020

അധികം വൈകാതെ തന്നെ ട്രംപിനെതിരെയുള്ള പെലോസിയുടെ പ്രതികരണം വന്നു. സ്​പീക്കർ ഡയസിൽ നിന്ന പെലോസി ട്രംപിൻെറ പ്രസംഗം അവസാനിക്കാനിരിക്കെ പ്രസംഗത്തിൻെറ പകർപ്പ്​ പരസ്യമായി കീറി മാറ്റി.

#WATCH US House Speaker Nancy Pelosi tore a copy of US President Donald Trump’s speech at the end of his third State of the Union Address, in Washington DC. pic.twitter.com/TY4L5dAme7

— ANI (@ANI) February 5, 2020