ഉത്തരകൊറിയയുടെ മിസൈൽ പരീക്ഷണത്തിൽ ആശങ്കയില്ല -ട്രംപ്​

വാഷിങ്​ടൺ: ഉത്തരകൊറിയ നടത്തിയ ഹൃസ്വദൂര മിസൈൽ പരീക്ഷണത്തിൽ ആശങ്കയില്ലെന്ന്​ അമേരിക്കൻ പ്രസിഡൻറ്​ ഡോണൾഡ്​ ട്രംപ്​. അമേരിക്കയി​ലെ ഒരുവിഭാഗം ജനങ്ങളും മറ്റ്​ ചിലരും ഭയപ്പെടുന്നത്​ പോലെ ഉത്തരകൊറിയ നടത്തിയ മിസൈൽ പരീക്ഷണത്തിൽ തനിക്ക്​ ആശങ്കയില്ലെന്ന്​ ട്രംപ്​ കുറിച്ചു.

ചെറിയ മിസൈലുകളാണ്​ ഉത്തരകൊറിയ പരീക്ഷിച്ചത്​. അതിൽ ആശങ്കയില്ല. തനിക്ക്​ നൽകിയ വാക്ക്​ ഉത്തരകൊറിയൻ നേതാവ്​ കിം ജോങ്​ ഉൻ പാലിക്കുമെന്നാണ്​ പ്രതീക്ഷയെന്നും അദ്ദേഹം പറഞ്ഞു.

ജപ്പാനിലേക്ക്​ നാല്​ ദിവസത്തെ സന്ദർശനത്തിന്​ പുറപ്പെടും മുമ്പായിരുന്നു ട്രംപിൻെറ പ്രസ്​താവന. ജാപ്പനീസ്​ പ്രധാനമന്ത്രി ഷിൻസോ ആബേയുമായി ട്രംപ്​ കൂടികാഴ്​ച നടത്തും. അതേ സമയം, യു.എന്നിൻെറ നിയമങ്ങൾ ലംഘിച്ചാണ്​ ഉത്തരകൊറിയയുടെ മിസൈൽ പരീക്ഷണമെന്ന്​ ട്രംപ്​ ആരോപിച്ചു.