ട്രംപിനെതിരായ ഇംപീച്ച് സെനറ്റിലേക്ക്; കോൺഗ്രസ് അംഗീകാരം നൽകി
text_fieldsവാഷിങ്ടൺ: യു.എസ് പ്രസിഡന്റ് ഡൊണൾഡ് ട്രംപിനെ ഇംപീച്ച് ചെയ്യാനുള്ള ജനപ്രതിനിധി സഭയുടെ തീരുമാനം ഉപരിസഭയായ സെ നറ്റിന് കൈമാറാനുള്ള തീരുമാനത്തിൽ വോട്ടെടുപ്പ് നടന്നു. 435 അംഗ കോൺഗ്രസിൽ നടന്ന വോട്ടെടുപ്പിൽ 228 പേർ രണ്ട് പ്രമേയങ ്ങളും സെനറ്റിന് കൈമാറാനുള്ള തീരുമാനത്തെ പിന്തുണച്ചു. 193 പേർ തീരുമാനത്തെ എതിർത്തു. ചൊവ്വാഴ്ച മുതൽ സെനറ്റിൽ ഇംപീ ച്ച്മെന്റ് പ്രമേയത്തിൽ മേൽനടപടികൾ ആരംഭിക്കുമെന്നാണ് റിപ്പോർട്ട്.
പ്രമേയം ഉൗദ്യോഗികമായി സെനറ്റിലേക്ക ് അയക്കുന്ന നടപടിക്രമമാണ് ഇന്ന് നടന്നത്. അധികാര ദുർവിനിയോഗം, കോൺഗ്രസ് നടപടികളെ തടസപ്പെടുത്തൽ എന്നീ കു റ്റങ്ങളുടെ പേരിൽ കഴിഞ്ഞ മാസമാണ് ട്രംപിനെ ജനപ്രതിനിധി സഭ ഇംപീച്ച് ചെയ്തത്.
സെനറ്റിൽ സുപ്രീംകോടതി ചീഫ് ജസ്റ്റിസിന്റെ അധ്യക്ഷതയിലാവും ഇംപീച്ച്മെന്റ് നടപടികൾ ആരംഭിക്കുക. സെനറ്റ് അംഗങ്ങൾ ജ്യൂറിയും തെരഞ്ഞെടുക്കപ്പെട്ട പ്രതിനിധി സഭാംഗങ്ങൾ പ്രോസിക്യൂട്ടർമാരുമാകും. മൂന്നിൽ രണ്ട് ഭൂരിപക്ഷത്തോടെ ട്രംപിനെ കുറ്റക്കാരനായി സെനറ്റ് വിധിയെഴുതിയാൽ അദ്ദേഹം പുറത്തു പോകേണ്ടിവരും.
റിപ്പബ്ലിക്കൻ പാർട്ടിക്കാണ് സെനറ്റിൽ ഭൂരിപക്ഷമുള്ളത്. 100 അംഗ സെനറ്റിൽ 67 പേരുടെ പിന്തുണ വേണം പ്രമേയം പാസാകാൻ. എന്നാൽ, ഡെമോക്രാറ്റുകൾക്ക് 47 അംഗങ്ങൾ മാത്രമാണുള്ളത്. അതിനാൽ, പ്രമേയം പാസാകാൻ സാധ്യതയില്ല.
2020ലെ പ്രസിഡന്റ് തെരഞ്ഞെടുപ്പിൽ പ്രധാന എതിരാളിയായ മുൻ വൈസ് പ്രസിഡന്റ് ജോ ബൈഡനും മകനുമെതിരെ അന്വേഷണം പ്രഖ്യാപിക്കാൻ ഭരണകൂട സ്വാധീനം ഉപയോഗിച്ച് യുക്രെയ്ൻ സർക്കാറിനു മേൽ സമ്മർദം ചെലുത്തിയെന്ന ആരോപണത്തിലാണ് ട്രംപ് ഇംപീച്ച്മെന്റ് വിചാരണ നേരിടുന്നത്. സ്പീക്കർ നാൻസി പെലോസിയുടെ നിർദേശത്തെ തുടർന്നാണ് ജനപ്രതിനിധിസഭാ ഇംപീച്ച്മെന്റ് നടപടികൾ തുടങ്ങിയത്. കോൺഗ്രസ് ഇന്റലിജൻസ് കമ്മിറ്റിയും ജുഡീഷ്യറി കമ്മിറ്റിയും ആഴ്ചകൾ നീണ്ട തെളിവെടുപ്പ് നടത്തിയ ശേഷം പ്രമേയങ്ങൾ ജനപ്രതിനിധി സഭ പാസാക്കി.
അമേരിക്കയുടെ 243 വർഷത്തെ ചരിത്രത്തിനിടെ ജനപ്രതിനിധി സഭ ഇംപീച്ച് ചെയ്യുന്ന മൂന്നാമത്തെ പ്രസിഡന്റ് ആണ് ട്രംപ്. 1868ൽ ആൻഡ്രു ജോൺസനെയും 1998ൽ ബിൽ ക്ലിന്റനെയും അമേരിക്കൻ കോൺഗ്രസ് ഇംപീച്ച്മെന്റ് ചെയ്തിരുന്നു. സെനറ്റ് പിന്നീട് കുറ്റവിമുക്തരാക്കിയതിനെ തുടർന്ന് ഇരുവരും പ്രസിഡന്റ് പദവിയിൽ തുടർന്നു. അമേരിക്കയുടെ 45ാമത് പ്രസിഡന്റാണ് ട്രംപ്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.