You are here

ഇംപീച്ച്​മെൻറ്:​ സാക്ഷികളെ പുറത്താക്കി ട്രംപ്​

09:03 AM
08/02/2020

വാഷിങ്​ടൺ: ഇംപീച്ച്​മ​​െൻറ്​ വിചാരണയിൽ തനിക്കെതിരെ സാക്ഷികളായ രണ്ട്​ ഉദ്യോഗസ്ഥരെ പുറത്താക്കി യു.എസ്​ പ്രസിഡൻറ്​ ഡോണൾഡ്​ ട്രംപ്​. യുറോപ്യൻ യൂണിയനിലെ യു.എസ്​ പ്രതിനിധിയായ ഗോർഡോൺ സോൺലാൻഡിനെ യു.എസ്​ ഭരണകൂടം അടിയന്തരമായി തിരിച്ച്​ വിളിച്ചു. സോൺലാൻഡ്​ തന്നെയാണ്​ തിരിച്ച്​ വിളിച്ച കാര്യം അറിയിച്ചത്​.

യുക്രൈനിലെ അമേരിക്കൻ സർക്കാറിൻെറ ഉദ്യോഗസ്ഥനായ അലക്​സാണ്ടർ വിൻഡ്​മാനേയും പുറത്താക്കിയിട്ടുണ്ട്​. സെനറ്റിൽ ഇംപീച്ച്​മ​​െൻറിൽ നിന്ന്​ ഒഴിവായതോടെ ഉദ്യേഗസ്ഥതലത്തിൽ അഴിച്ചുപണിയുണ്ടാകുമെന്ന്​ ട്രംപ്​ വ്യക്​തമാക്കിയിരുന്നു. 

യു.എസ് പ്രസിഡന്‍റ്​ ഡോണൾഡ് ട്രംപിനെ  ഇംപീച്ച്മെന്‍റ് വിചാരണയിൽ നിന്ന് ഉപരിസഭയായ സെനറ്റ് കുറ്റവിമുക്തനാക്കിയിരുന്നു. അധികാര ദുർവിനിയോഗം, കോൺഗ്രസ്​ നടപടികളെ തടസപ്പെടുത്തൽ എന്നീ ആരോപണങ്ങളാണ് സെനറ്റ് വോട്ടിനിട്ട് തള്ളിയത്. ഇതോടെ നാലു മാസം നീണ്ട ഇംപീച്ച്മെന്‍റ് നടപടികൾക്കാണ് അവസാനമായിരുന്നു.

 

LATEST VIDEO:

 

Loading...
COMMENTS