മെക്​സിക്കൻ അതിർത്തിയിൽ മതിൽ പണിയും; അടിയന്തരാവസ്​ഥ പ്രഖ്യാപിച്ച്​ ട്രംപ്​

വാ​ഷി​ങ്​​ട​ൺ: യു.എസി​​െൻറ തെക്കൻ അതിർത്തികളിൽ അടിയന്തരാവസ്​ഥ പ്രഖ്യാപിച്ച്​ പ്രസിഡൻറ്​ ഡൊണാൾഡ്​ ട്രംപ്​. കു​ടി​യേ​റ്റ​ക്കാ​രെ ത​ട​യാ​ൻ മെ​ക്​​സി​ക്ക​ൻ അ​തി​ർ​ത്തി​യി​ൽ ഉ​രു​ക്കു​മ​തി​ൽ പ​ണി​ തുടരാൻ പ​ണം അ​നു​വ​ ദി​ക്കാ​ത്ത​തി​നാ​ലാ​ണ്​ അ​ടി​യ​ന്ത​രാ​വ​സ്​​ഥ പ്ര​ഖ്യാ​പി​ക്കു​ന്ന​ത്​ എ​ന്നാ​ണ്​ ട്രം​പി​​​െൻറ വാ​ദം.

അടിയന്തരാവസ്​ഥക്കാലത്തെ അധികാരമുപയോഗിച്ച്​ മതിൽ പണിയു​െമന്ന്​ ട്രംപ്​ വ്യക്​തമാക്കി. എന്നാൽ ട്രംപ്​ അധ ികാര ദുർവിനിയോഗം നടത്തുകയാണെന്ന്​ ഡെ​മോക്രാറ്റുകൾ ആരോപിച്ചു.

നികുതിദായകരുടെ പണം ഉപയോഗിച്ച്​ മതിൽ പണിയാനായിരുന്നു ട്രംപി​​െൻറ ​ തീരുമാനം. എന്നാൽ അതിന്​ നിയമതടസങ്ങൾ നേരിട്ടതിനാൽ കോ​ണ്‍ഗ്ര​സി​നെ മ​റി​ക​ട​ന്ന് സൈ​നി​ക ഫ​ണ്ടു​പ​യോ​ഗി​ച്ച് മ​തി​ല്‍ നി​ർ​മി​ക്കാ​നു​ള്ള നീക്കത്തിലാണ് ​ട്രംപ്​. യു.എസ്​ ഭരണസ്​തംഭനകാലത്ത്​ തീർപ്പാക്കാതിരുന്ന ബില്ലുകൾക്കൊപ്പം ഇൗ പദ്ധതിയിലും ട്രംപ്​ ഒപ്പുവെച്ചു. എന്നാൽ ട്രംപി​​െൻറ പദ്ധതി കോടതിയിൽ ചോദ്യം ചെയ്യുമെന്ന്​ മുതിർന്ന ഡെമോക്രാറ്റുകൾ അറിയിച്ചു.

മ​തി​ൽ നി​ർ​മാ​ണ​ത്തി​നാ​യി ട്രം​പ് ആ​വ​ശ്യ​പ്പെ​ട്ട​ത് 570 കോ​ടി ഡോ​ള​റാ​ണ്. ഇ​ത് ല​ഭി​ക്കാ​ത്ത സാ​ഹ​ച​ര്യ​ത്തി​ലാ​ണ് ട്രം​പി​​​െൻറ ന​ട​പ​ടി. മൂ​ന്നാ​ഴ്ച​ത്തേ​ക്ക് താ​ൽ​ക്കാ​ലി​ക​മാ​യി നി​ര്‍ത്തി​വെ​ച്ച ട്ര​ഷ​റി സ്തം​ഭ​നം തു​ട​രു​മെ​ന്ന ആ​ശ​ങ്ക​ക​ള്‍ക്കി​െ​ട​യാ​ണ് അ​ടി​യ​ന്ത​രാ​വ​സ്​​ഥ പ്ര​ഖ്യാ​പി​ക്കാ​നു​ള്ള ട്രം​പി​​​െൻറ തീ​രു​മാ​നം. ര​ണ്ടു മാ​സ​ത്തോ​ളം നീ​ണ്ട അ​നി​ശ്ചി​ത​ത്വ​ത്തി​നു ശേ​ഷ​മാ​ണ് ട്രം​പ്​ അ​ടി​യ​ന്ത​രാ​വ​സ്ഥ പ്ര​ഖ്യാ​പിച്ചത്​.

അ​ന​ധി​കൃ​ത കു​ടി​യേ​റ്റം ത​ട​യാ​ന്‍ അ​മേ​രി​ക്ക​യു​ടെ മെ​ക്‌​സി​കോ അ​തി​ര്‍ത്തി​യി​ല്‍ മ​തി​ല്‍ നി​ർ​മി​ക്കു​മെ​ന്ന​ത് ട്രം​പി​​​െൻറ തെ​ര​ഞ്ഞെ​ടു​പ്പ് വാ​ഗ്ദാ​ന​മാ​ണ്. ജ​ന​പ്ര​തി​നി​ധി സ​ഭ​യി​ൽ ഡെ​മോ​ക്രാ​റ്റു​ക​ള്‍ക്ക്​ ഭൂ​രി​പ​ക്ഷം ല​ഭി​ച്ച​തോ​ടെ മ​തി​ലി​നു​ള്ള ഫ​ണ്ട് പാ​സാ​കാ​ത്ത അ​വ​സ്ഥ​യാ​യി. മ​തി​ലി​നു​ള്ള ഫ​ണ്ട് പാ​സാ​ക്കി​യാ​ലേ ട്ര​ഷ​റി പ്ര​വ​ര്‍ത്തി​പ്പി​ക്കാ​നു​ള്ള ബി​ല്ലി​ല്‍ ഒ​പ്പി​ടൂ എ​ന്ന വാ​ശി​യേ​റി​യ നി​ല​പാ​ട് ട്രം​പ് സ്വീ​ക​രി​ച്ച​തോ​ടെ​യാ​ണ് ഒ​രു മാ​സ​ത്തി​ലേ​റെ നീ​ണ്ട സ്തം​ഭ​ന​മു​ണ്ടാ​യ​ത്. സ​മ​വാ​യ ച​ര്‍ച്ച ന​ട​ത്താ​ന്‍ ഇ​രു​കൂ​ട്ട​രും ധാ​ര​ണ​യാ​യ​തോ​ടെ ട്ര​ഷ​റി താ​ൽ​ക്കാ​ലി​ക​മാ​യി തു​റ​ന്നു​കൊ​ടു​ത്തു.എ​ന്നാ​ൽ, മ​തി​ൽ വി​ഷ​യ​ത്തി​ൽ ഡെ​മോ​ക്രാ​റ്റു​ക​ളും ട്രം​പും ത​മ്മി​ല്‍ സ​മ​വാ​യ​ത്തി​ലെ​ത്തി​യി​ല്ല. ഈ ​സാ​ഹ​ച​ര്യ​ത്തി​ലാ​ണ് മ​റ്റൊ​രു സ്തം​ഭ​നം തു​ട​ങ്ങു​ന്ന​തി​നു​മു​മ്പ് ട്രം​പ് അ​ടി​യ​ന്ത​രാ​വ​സ്ഥ പ്ര​ഖ്യാ​പി​ച്ചത്​.