Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightടെക്​ ഭീമന്മാരെ...

ടെക്​ ഭീമന്മാരെ ചോദ്യം ചെയ്​ത്​ അമേരിക്കൻ കോൺഗ്രസ്​ അംഗങ്ങൾ 

text_fields
bookmark_border
ടെക്​ ഭീമന്മാരെ ചോദ്യം ചെയ്​ത്​ അമേരിക്കൻ കോൺഗ്രസ്​ അംഗങ്ങൾ 
cancel

വാഷിങ്​ടൺ: സാ​േങ്കതിക വിദ്യ കേ​ന്ദ്രീകരിച്ചുള്ള ലോകത്തെ വൻകിട കമ്പനികളുടെ മേധാവികളുടെ വ്യാപാര തന്ത്രങ്ങളിലെ കൃത്രിമത്വം ചോദ്യം ചെയ്​ത്​ അമേരിക്കൻ കോൺഗ്രസ്​ പ്രതിനിധികൾ. 


വ്യാപാര- വാണിജ്യ മേഖലയിൽ നടത്തിയ നിയമവിരുദ്ധ പ്രവർത്തനങ്ങൾ അടക്കം ചൂണ്ടിക്കാട്ടിയാണ്​ ആമസോൺ, ഫേസ്​ബുക്ക്​, ആപ്പിൾ, ഗൂഗ്​ൾ എന്നിവയുടെ മേധാവികളോട്​ ചോദ്യങ്ങൾ ഉന്നയിച്ചത്​. ഒരു വർഷത്തോളം നീണ്ട വിശ്വാസ്യത ലംഘനം സംബന്ധിച്ച അന്വേഷണത്തിന്​ ശേഷമാണ്​ ആമസോൺ സി.ഇ.ഒ ജെഫ്​ ബെസോസ്​​, ഗൂഗ്​ളി​​െൻറ സുന്ദർ പിച്ചെ, ഫേസ്​ബുക്ക്​ സി.ഇ.ഒ മാർക്ക്​ സുക്കർ ബ​ർഗ്​, ആപ്പിൾ സി.ഇ.ഒ ടിം കുക്ക്​ എന്നിവരെ കോൺഗ്രസ്​ വിളിച്ചുവരുത്തിയത്​. 
ചോദ്യം ചെയ്യലി​ൽ ഏറ്റവും കൂടുതൽ വിമർശനം നേരിട്ടത്​ ​ലോക സമ്പന്ന പട്ടികയിൽ ഒന്നാം സ്ഥാനത്തുള്ള ജെഫ്​ ​ബെസോസ്​ ആയിരുന്നു.  മത്സരക്ഷമതയോടുള്ള ആമസോണി​​െൻറ സമീപനവും സുതാര്യതയും സംബന്ധിച്ചായിരുന്നു ഏറെ ചോദ്യങ്ങളും. വില നിർണയം, ഏറ്റെടുക്കലുകൾ, മറ്റുള്ളവരിൽനിന്ന്​ വ്യക്​തിഗത വിവരങ്ങൾ ശേഖരിക്കൽ തുടങ്ങിയവ സംബന്ധിച്ചെല്ലാം ചോദ്യങ്ങള​ുയർന്നു. 


മറ്റുള്ളവരിൽനിന്ന്​ വാങ്ങിയ വ്യക്​തിഗത വിവരങ്ങൾ തെറ്റായ രീതിയിൽ ഉപയോഗിച്ചിരിക്കാമെന്ന്​ ബെസോസ്​ സമ്മതിച്ചു. നിരവധി ചോദ്യങ്ങൾക്ക്​ മറുപടി പറയാതിരുന്ന ബെസോസ്​, മറ്റ്​ ചില സംഭവങ്ങൾ ഒാർമയില്ലെന്നും വ്യക്​തമാക്കി. 2012ൽ ഇൻസ്​റ്റഗ്രാമി​​െൻറ ഏറ്റെടുക്കൽ സംബന്ധിച്ച്​ സുക്കർ ബർഗ്​ ഫേസ്​ബുക്കിലെ ഉന്നതർക്ക്​ അയച്ച ഇ- മെയിൽ സന്ദേശങ്ങൾ മുൻനിർത്തിയാണ്​ ചോദ്യങ്ങൾ​. ഫേസ്​ബുക്കിന്​ ഇൻസ്​റ്റഗ്രാം കടുത്ത എതിരാളിയാകുമെന്നതിനാൽ മത്സരം ഒഴിവാക്കുന്നതിന്​ ഏറ്റെടുക്കുകയല്ലേ ചെയ്​തതെന്നായിരുന്നു പ്രധാന ചോദ്യം. ഇൻസ്​റ്റഗ്രാം വെല്ലുവിളിയായിരുന്നുവെന്ന്​ സമ്മതിച്ച സുക്കർ ബർഗ്​, ഏറ്റെടുക്കൽ​ ഫെഡറൽ ട്രേഡ്​ കമീഷൻ അംഗീകരിച്ചതാ​െണന്നും വ്യക്​തമാക്കി. ഗൂഗ്​ൾ അൽഗോരിതം സംബന്ധിച്ചായിരുന്നു സുന്ദർ പിച്ചെയോടുള്ള ചോദ്യങ്ങൾ. 


ഇ- മെയിലുകൾ സ്​പാമിലേക്ക്​ മാറ്റുന്നതും മറ്റും സംബന്ധിച്ച ചോദ്യങ്ങൾ മാത്രമാണ്​ ഉയർന്നത്​. ആപ്പിൾ ചില ഡെവലപ്പർമാരോട്​ കൂടുതൽ താൽപര്യം കാട്ടുന്നതായും അവരുടെ ആപ്പുകൾക്ക്​ ആപ് സ്​റ്റോറിൽ പ്രാധാന്യം ലഭിക്കുന്നുവെന്നതുമാണ്​ ടിം കുക്കിനോട്​ ചൂണ്ടിക്കാട്ടിയത്​. 


അതേസമയം, സി.ഇ.ഒമാരെല്ലാം അ​മേരിക്കൻ ദേശസ്​നേഹം വ്യക്​തമാക്കുന്ന രീതിയിലാണ്​ മറുപടി പറഞ്ഞത്​. അമേരിക്കക്കാർക്ക്​ വേണ്ടിയുള്ള അമേരിക്കൻ കമ്പനികളാണ്​ തങ്ങളുടേതെന്ന്​ ​ജെഫ്​ ബെസോസും ടിം കുക്കും വ്യക്​തമാക്കി. സാ​േങ്കതിക മേഖലയിൽ ചൈനയിൽനിന്ന്​ അമേരിക്ക കടുത്ത മത്സരം നേരിടുന്നതായി സുക്കർ ബർഗ്​ ചൂണ്ടിക്കാട്ടി. പതിറ്റാണ്ടുമുമ്പ്​ പ്രമുഖ സാ​േങ്കതിക വിദ്യ കമ്പനികളെല്ലാം അമേരിക്ക കേ​ന്ദ്രീകൃതമായിരുന്നുവെങ്കിൽ ഇപ്പോൾ പകുതിയോളം ചൈനീസ്​ ആണെന്നും അദ്ദേഹം പറഞ്ഞു. 

Show Full Article
TAGS:132 49859 
Next Story