ഇന്ത്യന്‍ വിദ്യാര്‍ഥി അമേരിക്കയില്‍ വെടിയേറ്റു മരിച്ചു

ന്യൂഡൽഹി: ഇന്ത്യന്‍ വിദ്യാര്‍ഥി അമേരിക്കയില്‍ വെടിയേറ്റു മരിച്ചു. അമേരിക്കയിലെ കൻസാസ്​ സിറ്റിയിലെ ‘ജെയ്​സ്​ ഫിഷ്​ ആൻഡ്​​ ചിക്കൻ മാർക്കറ്റി’ലെ ഭക്ഷണശാലയിലാണ്​ സംഭവം. തെലങ്കാനയിലെ വാറങ്കലിൽനിന്ന്​ അമേരിക്കയിലെ മിസൗറി സര്‍വകലാശാലയിൽ ഉപരിപഠനത്തിനെത്തിയ ശരത് കൊപ്പു (26) വാണ്​ വെള്ളിയാഴ്ച ​ൈവകീട്ട്​ ഏഴരയോടെ വെടിയേറ്റു മരിച്ചത്.

പഠനത്തോടൊപ്പം ഭക്ഷണശാലയിൽ ജോലിചെയ്​തുവരുകയായിരുന്നു ശരത്​. കഴിഞ്ഞ ജനുവരിയിലാണ്​ സോഫ്​റ്റ്​വെയർ എൻജിനീയറായ ശരത്​ ഇവിടെയെത്തിയത്​. മോഷണത്തിനായി എത്തിയ അക്രമിയിൽനിന്ന്​ രക്ഷപ്പെടാൻ പുറത്തേക്കോടിയെങ്കിലും വെടിയേൽക്കുകയായിരുന്നു. അഞ്ചു​ തവണ വെടിയേറ്റ ശരത്തിനെ തൊട്ടടുത്ത ആശുപത്രിയിൽ എത്തിച്ചെങ്കിലും രക്ഷിക്കാനായില്ല.

അക്രമിയെന്ന്​ സംശയിക്കുന്നയാളെ കുറിച്ച് വിവരം നല്‍കുന്നവര്‍ക്ക് 10,000 ഡോളർ (6,87,650 രൂപ)കന്‍സാസ് പൊലീസ് പ്രതിഫലം പ്രഖ്യാപിച്ചിട്ടുണ്ട്​. പ്രതി ഉൾപ്പെടുന്ന സി.സി ടി.വി ദൃശ്യം  പൊലീസ് ട്വിറ്ററിലൂടെ പുറത്തുവിട്ടു.
സംഭവത്തിൽ കേന്ദ്ര വിദേശകാര്യ മന്ത്രി സുഷമ സ്വരാജ്​ അനുശോചനം രേഖപ്പെടുത്തി. കുടുംബത്തിന്​ എല്ലാ സഹായങ്ങളും നൽകുമെന്ന്​ അവർ പറഞ്ഞു. ശരത്തി​​െൻറ പിതാവ്​ രാംമോഹൻ റെഡ്​ഡിയുമായി സംസാരിച്ചുവെന്നും മൃതദേഹം പെ​െട്ടന്ന്​ ഇന്ത്യയിലെത്തിക്കാനുള്ള നടപടി സ്വീകരിക്കുമെന്നും മന്ത്രി വ്യക്തമാക്കി.