Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_rightചിലർ മരിക്കും; ജിവിതം...

ചിലർ മരിക്കും; ജിവിതം അങ്ങനെയാണ്​; ജനങ്ങൾ ജോലിയിൽ പ്രവേശിക്കണമെന്ന്​ ബ്രസീൽ പ്രസിഡൻറ്​

text_fields
bookmark_border
jair-bolsonaro
cancel

സാവോ പോളോ: കൊറോണയെ പേടിച്ച്​ വീട്ടിലിരിക്കാതെ തിരിച്ച് ജോലിയിൽ പ്രവേശിക്കണമെന്ന്​ ജനങ്ങളോട് ആഹ്വാനം ചെയ്​ത്​ ബ്രസീൽ പ്രസിഡഹൻറ്​ ജെയിർ ബൊൽസൊനാരോ. നിലവിൽ രാജ്യത്തി​ന്റെ സമ്പദ്‌ വ്യവസ്ഥയ്ക്കാണ് പ്രധാന്യം നൽകേണ്ടതെന്നും ബൊൽസൊനാരോ പറഞ്ഞു. രാജ്യത്ത്​ കൊറോണ വൈറസ്​ ബാധിച്ച്​ മരിച്ചവരുടെ എണ്ണത്തിൽ തനിക്ക്​ സംശയമുണ്ടെന്നും അത് സ്റ്റേറ്റ് ഗവർണർമാർ രാഷ്ട്രീയ ലാഭത്തിന് വേണ്ടി പറയുന്നതാണെന്നും പ്രസിഡൻറ്​ അഭിപ്രായപ്പെട്ടു.

'എന്നോട് ക്ഷമിക്കണം, ചിലർ മരണപ്പെടും. ജീവിതം അതാണ്​. വാഹനപടകങ്ങൾ മൂലം ഒരുപാട്​ ആളുകൾക്ക്​ ജീവൻ പോകുന്നുവെന്ന്​ കരുതി കാർ ഫാക്ടറി അടച്ചുപൂട്ടാനാവില്ല.'- ബൊൽസൊനാരോ ഒരു ചാനലിന് നൽകിയ അഭിമുഖത്തിൽ പറഞ്ഞു. എന്തായാലും ബ്രസീൽ പ്രസിഡൻറി​ന്റെ പ്രസ്​താവന ആഗോളതലത്തിൽ വലിയ വിവാദമാണ്​ സൃഷ്​ടിച്ചിരിക്കുന്നത്​.

കൊറോണ വ്യാപനം പ്രതിരോധിക്കാൻ രാജ്യത്തെ 26 ഗവർണ‌ർമാർ ലോക്ക്ഡൗൺ പ്രഖ്യാപിച്ചിരുന്നു. അതിന്​ പിന്നാലെയാണ്​ സമ്പദ്‌വ്യവസ്ഥയ്ക്കാണ് പ്രധാന്യം നൽകേണ്ടതെന്ന വിവാദ പ്രസ്​താവനയുമായി ബൊൽസൊനാരോ രംഗത്തെത്തിയത്.

രാജ്യത്ത്​ പ്രഖ്യാപിച്ച ലോക്ക്ഡൗണിനെ എതിർത്തുകൊണ്ട്​​ പുറത്തുവന്ന ബൊൽ സൊനാരോയുടെ പ്രസ്താവന തെറ്റായ വിവരം പ്രോത്സാഹിപ്പിക്കുന്നെന്ന്​ ആരോപിച്ച്​ സാവോപോളോ ഗവർണർ ജ്വാഒാ ദോരിയ രംഗത്തെത്തിയിരുന്നു. #BrazilCannotStop.” എന്ന ഹാഷ്​ടാഗ്​ കാമ്പയിനും ബൊൽസൊനാരോ ആരംഭിച്ചിരുന്നു. ഇറ്റലയിൽ ആയിരങ്ങൾ മരിക്കുന്നതിന്​ മുമ്പ്​ മിലാനിൽ വൈറലായ കാമ്പയിനിന്​ സമാനയതാണ്​ ബ്രസീലിൽ ഇപ്പോൾ നടക്കുന്നത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:brazilJair Bolsonaro
News Summary - Sorry, some will die: President Jair Bolsonaro on Brazil's coronavirus death toll-world news
Next Story