ഖാസിം സുലൈമാനി ഡൽഹിയിൽവരെ ഭീകരാക്രണത്തിന് പദ്ധതിയിട്ടു -ട്രംപ്

വാഷിങ്ടൺ: തങ്ങൾ കൊലപ്പെടുത്തിയ ഇറാന്‍റെ ഉന്നത സൈനിക ജനറൽ ഖാസിം സുലൈമാനി ഡൽഹിയിൽ വരെ ഭീകരാക്രമണത്തിന് പദ്ധതി യിട്ടിരുന്നെന്ന് പ്രസിഡന്‍റ് ഡോണൾഡ് ട്രംപ്. സുലൈമാനി നിരവധി നിരപരാധികളെ കൊന്നു, ന്യൂഡൽഹിയിലും ലണ്ടനിലും വരെ ഭീകരാക്രമണത്തിന് പദ്ധതിയിട്ടു -ട്രംപ് പറഞ്ഞു. എന്നാൽ ഇന്ത്യയിലെ ഭീകരാക്രമണ പദ്ധതിയെക്കുറിച്ച് ട്രംപ് കൂടുതൽ വ്യക്തമാക്കിയില്ല.

സുലൈമാനിയുടെ നിരവധി അതിക്രമങ്ങളുടെ ഇരകളെ ഇന്ന് നാം ഓർമിക്കുകയും ബഹുമാനിക്കുകയും ചെയ്യുന്നു, അദ്ദേഹത്തിന്‍റെ ഭീകരഭരണം അവസാനിച്ചുവെന്ന് അറിയുന്നതിൽ ആശ്വസിക്കുന്നുവെന്നും ട്രംപ് പറഞ്ഞു.

ഭീകരരുടെ നേതാവാണ് സുലൈമാനിയെന്നും വർഷങ്ങൾക്കു മു​​മ്പേ കൊല്ലപ്പെടേണ്ടയാളാണെന്നും ട്രംപ് നേരത്തെ പറഞ്ഞിരുന്നു. ഇതിനുപിന്നാലെയാണ് പുതിയ പ്രസ്താവന.

വെ​ള്ളി​യാ​ഴ്​​ച അ​ർ​ധ​രാ​ത്രി​യാ​ണ് ബാഗ്ദാദ് വിമാനത്താവളത്തിൽ അ​മേ​രി​ക്കൻ സേന ആ​ളി​ല്ലാ വി​മാ​ന​ത്തി​ൽ വ്യോ​മാ​ക്ര​മ​ണം ന​ട​ത്തി​യ​ത്. സൈ​നി​ക വ്യൂ​ഹ​ത്തിന്‍റെ കാ​വ​ലോ​ടെ​യു​ള്ള യാ​ത്ര​ക്കി​ടെ​ ഉ​ന്ന​ത​ർ സ​ഞ്ച​രി​ച്ച ര​ണ്ടു വാ​ഹ​ന​ങ്ങ​ൾ റോ​ക്ക​റ്റ്​ ഉ​പ​യോ​ഗി​ച്ച്​ ത​ക​ർ​ക്കു​ക​യാ​യി​രു​ന്നു. ഖാ​സിം സു​ലൈ​മാ​നി ഉ​ൾ​െ​പ്പ​ടെ എ​ട്ടു പേ​രാണ് കൊ​ല്ല​പ്പെ​ട്ടത്. ഇ​റാ​ന്‍ പി​ന്തു​ണ​യു​ള്ള ഇ​റാ​ഖി​ലെ പൗ​ര​സേ​ന​ക​ളു​ടെ ഡെ​പ്യൂ​ട്ടി ക​മാ​ന്‍ഡ​റാ​യ അ​ബു മ​ഹ്ദി അ​ല്‍ മു​ഹ​ന്ദി​സും കൊ​ല്ല​പ്പെ​ട്ടിരുന്നു.

3000 സൈനികർ കൂടി പശ്ചിമേഷ്യയിലേക്ക്
സുലൈമാനി വധത്തിന്‍റെ പശ്ചാത്തലത്തിൽ 3000 സൈനികരെ കൂടി അമേരിക്ക പശ്ചിമേഷ്യയിലേക്ക് അയച്ചു. ദിവസങ്ങൾക്ക് മുമ്പ് കുവൈത്തിലെത്തിയ സേനക്കൊപ്പം പുതുതായി അയച്ച സംഘവും ചേരുമെന്നാണ് റിപ്പോർട്ട്.