അമേരിക്കയിൽ സമ്പൂർണ സൂര്യഗ്രഹണം ദൃശ്യമായി

ന്യൂയോർക്ക്: അമേരിക്കയുടെ ഭൂരിഭാഗവും പ്രദേശങ്ങളിലും സമ്പൂർണ്ണ സൂര്യഗ്രഹണം ദൃശ്യമായി. ഗ്രേറ്റ്​ അമേരിക്കൻ എക്ലിപ്​സ്​ എന്ന്​ വിളിക്കപ്പെട്ട ഗ്രഹണം അൽപനേരത്തേക്ക് 14 സംസ്​ഥാനങ്ങളെ പൂർണമായും ഇരുട്ടിലാക്കി.  സൂര്യൻ ചന്ദ്രന് പിന്നിൽ മറയുന്ന അത്യപൂർവ പ്രതിഭാസമാണ് തിങ്കളാഴ്ച അമേരിക്കയെ ഇരുട്ടിലാക്കിയത്. നട്ടുച്ചക്ക് പോലും നഗരങ്ങൾ ഇരുട്ടിലായി. ചിലയിടങ്ങളിൽ ഭാഗികമായും സൂര്യരഗഹണം ദൃശ്യമായി. രണ്ടു മിനുട്ടുവരെ നീണ്ട ഗ്രഹണത്തെ തുടർന്ന്​ അമേരിക്കയിലുടനീളം അന്തരീക്ഷ മർദം താഴ്​ന്നു. നാസ ഉൾപ്പടെയുള്ളവർ സമ്പൂർണ സൂര്യഗ്രഹത്തിൻെറ തൽസമയ സംപ്രേഷണവും പുറത്തുവിട്ടു. 

സൂര്യഗ്രഹണം കാണാനായി എത്തുന്ന സഞ്ചാരികളുടെ തിരക്കിനാൽ ഹോട്ടലുകളിൽ ബുക്കിങ് നേരത്തേ പൂർത്തിയായിരുന്നു. അമേരിക്ക രൂപീകരിച്ചതിനു ശേഷം (1776) ദൃശ്യമാകുന്ന ആദ്യത്തെ പൂര്‍ണഗ്രഹണമാണ് ഇത്. അമേരിക്കൻ ചരിത്രത്തിലെയും ഏറ്റവും വലിയ സൂര്യഗ്രഹണം കൂടിയാണിത്.