വാഷിങ്ടണ്‍ ഡി.സിയില്‍ വെടിവെപ്പ്; ഒരു മരണം

വാഷിങ്ടണ്‍: യു.എസിലെ വാഷിങ്ടണ്‍ ഡി.സിയിലുണ്ടായ വെടിവെപ്പില്‍ ഒരു മരണം. അഞ്ച് പേർക്ക് പരിക്കേറ്റു. ഇതില്‍ ഒരാളുടെ നില ഗുരുതരമാണ്.

കൊളംബിയ റോഡിലെ 1300 ബ്ലോക്കിലാണ് വെടിവെപ്പുണ്ടായത്. പരിക്കേറ്റവരെ കൊളംബിയ ഹൈറ്റ്‌സ് ആശുപത്രിയില്‍ പ്രവേശിപ്പിച്ചു.

അമേരിക്കന്‍ പ്രസിഡന്‍റിന്‍റെ ആസ്ഥാനമായ വൈറ്റ് ഹൗസിന് മൂന്നര കിലോമീറ്റര്‍ അടുത്താണ് വെടിവെപ്പുണ്ടായത്. സ്ഥലം പോലീസ് വളഞ്ഞിരിക്കുകയാണ്. കൂടുതല്‍ വിവരങ്ങള്‍ ലഭ്യമല്ല.