Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightകോവിഡ്​ മുക്തർക്ക്​...

കോവിഡ്​ മുക്തർക്ക്​ വീണ്ടും രോഗം വരുമോ​? ശാസ്​ത്രലോകത്തിനും ആശയക്കുഴപ്പം

text_fields
bookmark_border
കോവിഡ്​ മുക്തർക്ക്​ വീണ്ടും രോഗം വരുമോ​? ശാസ്​ത്രലോകത്തിനും ആശയക്കുഴപ്പം
cancel

വാഷിങ്​ടൺ: കോവിഡ്​ ഭേദമായവരെ വീണ്ടും വൈറസ്​ ആക്രമിക്കുമോയെന്ന വിഷയത്തിൽ ശാസ്​ത്രലോകത്തിനും ആശയക്കുഴപ്പം. വീണ്ടും വരാൻ സാധ്യതയില്ലെന്ന്​ ശാസ്​ത്രജ്ഞർ പറയു​േമ്പാഴും ഉറപ്പാക്കാനാകില്ലെന്നും പറയുന്നു. കോവിഡ്​ വന്നവർക്ക്​ വൈറസിനെ തടയാൻ​ പ്രതിരോധശേഷിയുണ്ടാകുമെന്നാണ്​ ആരോഗ്യവിദഗ്​ധരുടെ അഭിപ്രായം. 
എന്നാൽ, എത്രമാത്രം പരിരക്ഷയുണ്ടാകുമെന്നോ എത്രകാലം പ്രതിരോധശേഷി നിലനിൽക്കുമെന്നോ വ്യക്തതയില്ല. രോഗം ബാധിച്ച്​ ഭേദപ്പെട്ടവരിൽ അപൂർവം ചിലർ ആഴ്​ചകൾക്കുശേഷം വീണ്ടും പോസിറ്റിവായതാണ്​ ശാസ്​ത്രലോകത്ത്​ ഇതുസംബന്ധിച്ച സംശയത്തിന്​ കാരണം. 

രോഗം പൂർണമായി ഭേദമാകുംമുമ്പ്​ നെഗറ്റിവായതായി റിപ്പോർട്ട്​ ലഭിച്ചതോ ആഴ്​ചകൾക്കുശേഷമുള്ള പരിശോധനഫലം തെറ്റായി പോസിറ്റിവ്​ ആയതോ ആകാം ഇത്തരം റി​േപ്പാർട്ടുകൾക്കു​ കാരണമെന്ന്​ വിദഗ്​ധർ ചൂണ്ടിക്കാട്ടുന്നു. ഇത്തരത്തിൽ പോസിറ്റിവ്​ ആയവരിൽനിന്ന്​ കൂടുതൽ പേരിലേക്ക്​ പകർന്നില്ലെന്നത്​ ​പരിശോധന റിപ്പോർട്ട്​ കൃത്യതയില്ലാത്തതി​​​െൻറ തെളിവാണെന്നും പറയുന്നു. 
കോവിഡ്​ സംബന്ധിച്ച ശാസ്​ത്രശാഖ വികസിച്ചുവരുന്നേയുള്ളൂവെന്ന്​ ബോസ്​റ്റൺ കോളജിലെ ആഗോള പൊതുജനാരോഗ്യ പദ്ധതി ഡയറക്​ടർ ഡോ. ഫിലിപ്പ്​ ലാൻഡ്രിഗാൻ പറഞ്ഞു.

ചെറിയതോതിൽ മാത്രം രോഗലക്ഷണം പ്രകടമായവരിൽ ഏതാനും മാസങ്ങൾ മാത്രമേ ആൻറിബോഡി നിലനിൽക്കുന്നുള്ളൂവെന്ന്​ അടുത്തിടെ അമേരിക്കയിൽ നടത്തിയ പഠനത്തിൽ വ്യക്തമായിരുന്നു. കുറച്ചു പേരിൽ മാ​ത്രമാണ്​ പഠനം നടന്നത്​. അതേസമയം, ആൻറിബോഡി മാത്രമല്ല ശരീരത്തി​​​െൻറ മൊത്തം രോഗപ്രതിരോധ സംവിധാനമാണ്​ വൈറസിനെ പ്രതിരോധിക്കുന്നതെന്ന്​ ആരോഗ്യ വിദഗ്​ധർ പറഞ്ഞു. 
കൂടുതൽ പഠനങ്ങൾക്കും ഗവേഷണങ്ങൾക്കുംശേഷം മാത്രമേ അന്തിമ തീരുമാനമുണ്ടാകൂ​െവന്ന്​ ആരോഗ്യ വിദഗ്​ധർ പറഞ്ഞു. 

Latest Video:

Show Full Article
TAGS:covid 19 Coronavirus world news malayalam news 
Next Story