യു.എസ്​ പ്രസിഡൻറ്​ തെരഞ്ഞെടുപ്പിൽ പുടിൻ നേരിട്ട്​ ഇടപെട്ടു

വാഷിങ്​ടൺ: യു.എസ്​ ​ പ്രസിഡൻറ്​ തെര​െഞ്ഞടുപ്പിൽ റഷ്യൻ പ്രസിഡൻറ്​ വ്​ളാദിമിർ പുടിൻ നേരിട്ട്​ ഇടപപെടൽ നടത്തിയെന്ന്​ അമേരിക്കൻ രഹസ്യാന്വേഷണ വിഭാഗത്തി​െൻറ റിപ്പോർട്ട്​. ഡെമോക്രാറ്റിക്​ പാർട്ടി സഥാനാർഥി ഹിലരി കളിൻറനെതിരെ പുടിൻ നേരിട്ട്​ ഇടപെട്ട്​ കരുനീക്കം നടത്തിയെന്നാണ്​ എൻ.ബി.സി ന്യൂസ്​ റിപ്പോർട്ട്​ ചെയ്​തത്​.

ഡെമോക്രാറ്റിക് പാര്‍ട്ടിയുടെയും ഹിലരി ക്ളിന്‍റന്‍െറയും ഇ-മെയിലുകള്‍ ചോര്‍ത്താൻ പുടിൻ നിർദേശം നൽകിയിരുന്നു. ഹിലരിയോടുള്ള വ്യക്തിവിദ്വേഷം തീർക്കാൻ ഇമെയിൽ വിവരങ്ങൾ ചോർത്തി, വാർത്ത മാധ്യമങ്ങൾക്ക്​ നൽകിയെന്നാണ്​ ഇതുമായി ബന്ധപ്പെട്ട രണ്ട്​ ഉദ്യോഗസ്ഥർ രഹസ്യന്വേഷണ വിഭാഗത്തിന്​ നൽകിയ വിവരം.

തെരഞ്ഞെടുപ്പ് ഫലം റിപ്പബളിക്കൻ പാർട്ടി സ്ഥനാർഥിയായ ട്രംപിന് അനുകൂലമാക്കാന്‍ റഷ്യ യു.എസ്​ പൗരൻമാരുടെയും സ്ഥാപനങ്ങളുടെയും ഇ–മെയിൽ വിവരങ്ങൾ ചോർത്തിയെന്ന്​ സി.​​െഎ.എ നേര​ത്തെ റിപ്പോർട്ട്​ ചെയ്​തിരുന്നു.
2011ലെ റഷ്യൻ പാർലമെൻററി തെരഞ്ഞെടുപ്പിൽ പുടി​െൻറ സത്യസന്ധത ചോദ്യം ചെയ്​ത അമേരിക്കൻ സ്​റ്റേറ്റ്​ സെക്രട്ടറിയായിരുന്ന ഹിലരിയോട്​ ഒരിക്കലും ക്ഷമിക്കാൻ കഴിയില്ലെന്നും തെരഞ്ഞെടുപ്പിനെതിരെ തെരുവുകളിൽ പ്രതിഷേധമുയരാൻ കാരണക്കാരിയായത്​ ഹിലരിയാണെന്നും പുടിൻ ആരോപിച്ചിരുന്നു.
പുടി​െൻറ അറിവോടെ ഡെമോക്രാറ്റിക് പാര്‍ട്ടിയുടെ ഇ-മെയിലുകള്‍ വിക്കിലീക്സിന് റഷ്യ ചോര്‍ത്തിക്കൊടുത്തതായും ഇന്‍റലിജന്‍സ് ഏജന്‍സികള്‍ റിപ്പോര്‍ട്ട് ചെയ്തിരുന്നു. ചോര്‍ത്തിയ ഇ-മെയിലുകള്‍ വിക്കിലീക്സ് ഓണ്‍ലൈനില്‍ പ്രസിദ്ധപ്പെടുത്തുകയും ചെയ്തു.