വൈറ്റ്​ ഹൗസ്​ റിപ്പോർട്ടർമാരുടെ അത്താഴ വിരുന്നിൽ ട്രംപ്​ പ​െങ്കടുക്കില്ല

വാഷിങ്​ടൺ: മാധ്യമങ്ങൾക്കെതിരെ രൂക്ഷ വിമർശനമുയർത്തുന്ന അമേരിക്കൻ പ്രസിഡൻറ്​ ഡോണാൾഡ്​ ട്രംപ്​ വൈറ്റ്​  ഹൗസ്​ റിപ്പോർട്ടർമാരുടെ അസോസിയേഷൻ നൽകുന്ന അത്താഴ വിരുന്നിൽ പ​െങ്കടുക്കില്ല.  എപ്രിൽ 29നാണ്​ അത്താഴ വിരുന്ന്​ നടക്കുന്നത്​.

വിവിധ മേഖലയിലെ പ്രമുഖ വ്യക്​തികളും, പത്രപ്രവർത്തകരും, അമേരിക്കൻ പ്രസിഡൻറ്​ ഉൾപ്പടെയുള്ള രാഷ്​ട്രീയക്കാരുമാണ്​ സാധാരണയായി വിരുന്നിൽ പ​െങ്കടുക്കുക. ഇതിൽ പ​െങ്കടുക്കില്ലെന്നാണ്​ ​ട്രംപ് അറിയിച്ചിരിക്കുന്നത്​.വിവിധ മാധ്യമങ്ങൾക്ക്​ വൈറ്റ്​ ഹൗസിൽ നടക്കുന്ന വാർത്ത സമ്മേളനം റിപ്പോർട്ട്​ ചെയ്യുന്നതിന്​ വിലക്കേർപ്പെടുത്തിയതിന്​ പിന്നാലെയാണ്​ ട്രംപി​​െൻറ നടപടി. 

സി.എൻ.എൻ, ന്യുയോർക്​ ടൈംസ്, പൊളിറ്റികോ, ദ ലോസ്​ ആഞ്ചലസ് ​ടൈംസ്, ബസ്​ ഫീഡ്​ എന്നീ മാധ്യമങ്ങളെയാണ്​ വാർത്ത സമ്മേളനത്തിൽ നിന്നും വൈറ്റ്​ ഹൗസ്​ ഒഴിവാക്കിയത്​. കാരണമെന്തെന്ന്​ വിശദീകരിക്കാതെയായിരുന്നു വിലക്ക്​.